Azkenaldi honetan gero eta ozenagoak dira Facebook eta Twitter bezalako aplikazioen aurka entzuten diren ahotsak. Arazorik nagusiena da biak (beste asko bezala) Estatu Batuetako enpresa multinazionalen eskuetan daudela, eta ez daukate inolako lotzarik, zure taldeko, kanpaina, produktua, aldarrikapena, etab… ezabatzeko, inolako azalpenik eman gabe (inurria zara haientzako).

Zalantzak badituzu, egin froga horrelako bat sortuz: Palestinaren aldeko perfil potentea, Arnaldo Otegiren aldeko perfila, Grezian atxilotutako anarkisten berri eman, zerbitzuon enpresa-jabeak kritikatzen duen edozer…

Eta gainera iragarki madarikatuak: elikagai ekologikoen aldeko perfila sortu eta janari askarreko iragarkiez inguratuta topatuko duzu gunea.

Alternatiba egon badago eta ez du zerikusirik Oskar Matutekin

Alternatiba beti da teknologiaren autogestioa, kasu honetan zure sare sozialen autogestioa eta oso aukera interesgarria da Elgg (www.elgg.org). Software askea da eta biltzen ditu aipatutako zerbitzuen pareko aplikazioak eta gehiago: wikiak, blogak, argazkiak kudeatzeko gunea, artikulu biltegia, hauen kudeaketa amankomuna (erabiltzaile batzuk aldi berean egin ditzakete aldaketak), eta abar luze bat. Ehun eta piko azal/itxura ezberdin ditu eta aukera berriak ematen dituzten pluginak mila baino gehiago dira.

Uff, garai gogorrak bizitzea egokitu zaigu, zalantzarik gabe. Japonian lurrikara, tsunamia eta apokalipsi nuklearra Fukushiman, Euskal Herritik oso gertu daukagu Garoña, honen bikia. Ikaratuta, Nuclenor-reko langileak rapeatzen ikusten ditugun bitartean  Twitter-ren #desastrofe da hitza. Nik konprobatuko ditut nire abileziak online joko interaktibo honetan: kudeatu zure nuklearra.

Egur gehiago, gerra da eta!!!
Giza eskubide bortxaketa larriak ematen dira hainbat herrialdetan: Ginea, Birmania, Palestina, Sahara, Marokkon, Bahreinen, besteak beste. Eta baita Libian ere. NBEk bakarrik azken honetan indarra erabiltzeko “baimena” eman du. Gogoan dituzue Espainiako Erregea, Aznar edo Zapaterorekin Gadafik izandako bilerak, mezu gozoak eta argazkiak? Ba orain deabrua omen da. Bitartean Facebook-en Gerraren aurkako taldeak sortzen dira nonahi.

Nik, hori bai, baditut beste kezka “gizakiagoak” esku artean: non arraio kokatzen nau nire sakilaren tamainak? Ez, ez da holmesmeter bat. Webgune honetan tamainen mundu mapa agertzen zaigu. Mapa ikusi ondoren… negar egiteko gogoak ala aurpegian irribarre galanta?.

+ www.humorenlared.com-en

Oraindik ez dago batere argi zer gertatuko den Delicious zerbitzuarekin. Yahook bere gain kentzeko asmoa azaldu zuen, amaraunean zurrumurruak ugaritu ziren, Delicious-eko garapen taldeko kideek aurrera jarraituko zutela adierazi zuten eta zerbitzua ez zela bertan behera geratu Yahootik laguntza desagertu arren.

Nire kezkarik nagusiena zen ea zer egin nezakeen nire estekak mantentzeko (ia 13000 esteka momentu honetan). Lehendabiziko ekintza delicious-en neuzkanen babes kopia bat egin eta jaitsi, hurrengoa aukera interesgarria bilatzeari ekitea izan zen eta puntu horretan bi aukerekin geratu nintzen:  Diigo eta Bildu

Bien arteko ezberdintasunak nabariak dira, onerako eta txarrerako:

Bildu.net da euskal proiektua (Teketen dago atzean eta hori oso garantia bikaina da), software askean eraikita baina spam gehiegi jasotzen duena.

Diigo.com, aldiz, proiektu estatu batuarra da, software pribatiboan eraikita, doako eta premium bertsioak dituena baina funtzionamendu eta tresna interesgarriak dituena, beste aldetik.

Momentu honetan nire esteka guztiak Diigo-n jarri ditut eta datozen datatan Bildura igotzeko asmoa daukat. Eta zuek? Zer egingo duzue?

Gaur, egunean zehar Hootsuite zure Android edo Iphone/Ipod Touch-en dohainik eskura dezakezu bertsio osoa. Aplikazio intereresgarri honek Twitter, Facebook eta Foursquareko kontuak mugikorretik gestionatzeko erabiltzen dut eta primeran egiten du. Aplikazioak 2 bertsio ditu: Lite eta Full. Gaur lite bertsioa instalatzen baduzu Full bertsioak dituen ezaugarriak izango dituzu. Badakizue, bilatu zuen market-en eta aprobetxatu aukera hau.

Kontutan izan eguna (hilaren 13a) EEBBetako ordutegiaren araberakoa dela.

Liburu tekniko interesgarriak daude beti Packt Publishing argitaletxean. GNU/Linux, Drupal, Joomla, OpenStreet Map, CRM-ak eta abar luze bat dira jorratzen dituzten teknologiak (eta, nola ez, Microsoftekoak ere). Lehenenagotik saltzen zituzten pdf formatuan eta egun hauetan gehitu dute Epub formatua. Hori dela eta dohainik jarri dituzte 6 liburu bi formatuetan.

Gure nabigatzailerik gustukoenak bide luzea egin du. Momentu honetan 3.6 bertsioa da azkena eta batzuek dituen zenbakiak gogorarazi nahi dizkigute:

Firefox euskaraz jaitsi dezakezu, webgune ofizialetik eta Librezale-tik