Backupmyblog.com da hain zuzen ere zerbitzua, beta fasean dago eta kuriosoa da benetan. Zure blogaren FTP datuak ematen dituzu (pribazitate neurri oso gorrorrak omen dituzte) eta zuzean datu basearen parametroak hartzen dituzte, segurtasu-kopia (edo babeskopia, nahi duzuen moduan) egin ahal izateko.

Egunero egiten dituzte kopiak eta kopia berreskuratzeko, historialak ikusteko etab. aukera daukazu eta posta-e bidez jasotzen duzu txostentxoa. 10 MB daukazu gehienez eta estatistika zerbitzu majua (zenbat erabili duzun, etab).

Musutruk jarri dute beta dagoen bitartean, je je, aukera borobila, orduan, frogatzeko.

Wordpress-ekin egin dut froga eta primerakoa izan da emaitza.

Astean zehar topatu ditut webgune eta zerbitzu interesgarri batzuk:

Bloginfluence
Gorka Juliok (Teketen, blogari, …) prestatutako lanabes interesgarria: zernolako eragina du zure blogak sarean, hainbat iturrietatik hartzen ditu datuak (hemen ikusi dezakezue zer nolako eragina duen siliconlautak ). Euskaraz, gaztelaniaz eta ingelesez, dohakoa.

Photobucket
Argazkiak eta bideoak amaraunean gorde eta konpartitzeko tresna, flickr bezalakoa, baina ñabardura batzuekin: bideoa onartzen du, GB 1 igo daiteke eta 10GB trafikoa, argazki bakoitzeko tamainarik handiena MB 1, momentuz ez ditu aipatutako flickr-en tresnak eta beste aplikazioetan integratzeko aukerak baina denborak esango ditu. Aipatutako ezaugarriak dohako bertsikoak dira eta, honetaz aparte aukera gehiago eskeintzen duen pro kontua badago.

Dohako Podcast hosting

Emigrando.orgkoek podcast egiteko dohako alojamendua eskeintzen dute. Baldintzak hemen.

15 metrotako Mazinger Z estatua Tarragonan. Informazio gehiago hemen eta hemen.

Videodownloader Firefoxeko luzapena

Firefox askok eta askok erabiltzen dugun nabigatzaile librea da, segurua, arina (1.5 bertsioan ez hainbeste) eta plataforma guztietan dagoena. Beste puntu aipagarria da luzapen-egitura, programak dituen ezaugarriak izugarri handitzeko sistema. Topatu dudan azkenetarikoa hauxe da: videodownloader, bideo-zerbitzu publikoetatik klipak jaisteko aukera paregabea, eta bideo-webgune hauetatik gure ordenagailura ekartzeko pentsatuta dago:

Youtube, Google Video, iFilm, Metacafe, Dailymotion, Myspace, Angry Alien, AnimeEpisodes.Net, Badjojo, Blastro, Blennus, Blip.tv, Bofunk, Bolt, Break.com, Castpost, CollegeHumor, Current TV, Dachix, Danerd, DailySixer.com, DevilDucky, Double Agent, eVideoShare, EVTV1, FindVideos, Free Video Blog, Grinvi, Grouper, Hiphopdeal, Kontraband, Lulu TV, Midis.biz, Music.com, MusicVideoCodes.info, MySpace Video Code, Newgrounds, NothingToxic, PcPlanets, Pixparty, PlsThx, Putfile, Revver, Sharkle, SmitHappens, StreetFire, That Video Site, TotallyCrap, VideoCodes4U, VideoCodesWorld, VideoCodeZone, vidiLife, Vimeo, vSocial, Yikers, ZippyVideos… eta bideoa itsatsita daukaten edozein webgune.

Hemendik instala dezakezu .

1.- Kaos 2.0: Puntualitate falta hitzaldi guztietan, astirik ez egoteko sentsasioa, akats teknikoak (pantailarekin, konexioarekin zenbait momentutan), antolaketa-arduradunen falta, akatsetan laguntzeko, mikroa publikoarengana eramateko, inprobisazioa eta desorekak (mahaian zenbait momentutan 4 pertsona eta arratsaldeko lehendabiziko hitzaldian bakarra).

2.- Entzufe 2.0: Hau izan da gure portatilak konektatzeko topatu dugun entzufe kopurua. Beheko bi aulki-lerrotan egon dira, eta arratsaldean aukera izan dutenek lekua hartu eta besteok, hardwareak dituen gabezien eta argindarrik gabeko iraupenaren menpe.

3.- Firefox 9 IExplorer 1: Arratsaldean entzundakoa eta errealitatean oinarriturik, 9 hizlarik Firefox erabili dute, eta bakarrak (Microsoft enpresakoa hain zuzen ere) Iexplorer.

4.- Hizlari 200.0: Hau bai bilbainada! ene bizitza osoan ez dut holakorik ikusi, hizlari mordoa, denbora eskasa eta saturazio sentsazioa. Goizean Eyeos-ekoek aipatzen zuten diseinuan askotan aipatzen den kontzeptua: less is more (gutxiago da gehiago), ba honetan kontrakoa, more is more.

5.- Vocento 2.0, gainonentzeko egunkariak 0.0: Kontxo, susmo txarrak har ditzakegu Vocentok izan duen esparrua ikusita. Benetan ez zegoela antolaketa-taldean? Ba ez dakit zelan baina gonbidatua izateko logelarik handiena tokatu zaio.

6.- Euskara 2.0: Patxi Gaztelumendi eta Gorka Julio izan dira sufritutako (ia) mila hizlarien artean euskaraz egin dutenak. Hori bai okasiorako sortutako txatean euskara presente egon da eta baita luntx-ean ere.

7.- Eitb24 2.0 ??? benga!!!: Askok pentsatu dugu 2.0 horrek inbertitutako milio euro kopuruari egiten ziola erreferentzia… Patxik eta Lontzo Sainzek izandako rifirrafea alaitu dute goiza eta batzuk esnarazi baita.

8.- Emakume 2.0: Ia egon den kopurua, oso emakume gutxi baina txatean baten batek zioen moduan, kriston kalitatearekin.

Eguerdia pasatuta, bada garaia aztertzeko zer nolako gaiak eta hizlariak izan ditugun… . Lehendabiziko ñabardura denbora eta puntualitate falta izan da, hitzaldi batzuk motz geratu dira eta arin joateko sentsazioa islatzen da behin eta berriro.

Eyeos-eko aurkezpena polita izan da, gainetik ikutu dituzte benetako erronkak, garapena, diseinua (less is more), software librea azpian eta gainera negozioa egiteko prest. Harrigarriena proiektua garatu dutenen gaztetasuna, 19-23 urte bitartekoak.

Loic Le Meur (Six Apart), laburregia, ingelesez (frantsesa izan arren), Vichy kosmetika enpresak izandako esperientziak (kriston hankasartzearekin hasi zen), arrakasta lortu duten blogak eta komentariorik ez azpian dagoen teknologia (publikotik horrela planteatu diote).

Alvaro Andoin (Media Contacts) marketing eta publizitate eredu berriak blogetan gehien bat. Ikuspuntu oso komertziala.

Julen Iturbe  Aurkezpen oso berezia egin du, Hierro irla adibide gisa enpresetan web 2.0 garatzeko eman daitezkeen egoerarak (eta seguru, errealitateak). Eskasegia, bisualki potentea baina azpian gauza handirik ez (web 2.0…).

Goizeko 10etatik aurrera eta Deustuko unibertsitatean (Bizkaian) blogak.org jardunaldiak. Hizlarien artean denetarik dago eta landuko direnen gaien artean badaude batzuk kontutan hartzekoak: web 2.0 teknologiak, bilatzaileak eta aplikazio geografikoak (berez hibridoak, web aplikazio bat baino gehiago elkartzen dituzte). Bloga jarri dute martxan baina momentuz mugimendu gehiegirik ez da egon eta gehiena gaztelaniaz. Hala eta guztiz ere hizlari, moderatzaile eta parte hartzaileen artean badaude euskal blogosferan ia hasieratik ibilitakoak eta erreferente garbia bilakatu direnak (Patxi Gaztelumendi, Luistxo Fernandez, etab). Wifi konekzioa izango dugu eta blogean bertan Ajax-en egindako txata jarri dute martxan. Umm interesgarria.