Azkenaldi honetan gero eta ozenagoak dira Facebook eta Twitter bezalako aplikazioen aurka entzuten diren ahotsak. Arazorik nagusiena da biak (beste asko bezala) Estatu Batuetako enpresa multinazionalen eskuetan daudela, eta ez daukate inolako lotzarik, zure taldeko, kanpaina, produktua, aldarrikapena, etab… ezabatzeko, inolako azalpenik eman gabe (inurria zara haientzako).

Zalantzak badituzu, egin froga horrelako bat sortuz: Palestinaren aldeko perfil potentea, Arnaldo Otegiren aldeko perfila, Grezian atxilotutako anarkisten berri eman, zerbitzuon enpresa-jabeak kritikatzen duen edozer…

Eta gainera iragarki madarikatuak: elikagai ekologikoen aldeko perfila sortu eta janari askarreko iragarkiez inguratuta topatuko duzu gunea.

Alternatiba egon badago eta ez du zerikusirik Oskar Matutekin

Alternatiba beti da teknologiaren autogestioa, kasu honetan zure sare sozialen autogestioa eta oso aukera interesgarria da Elgg (www.elgg.org). Software askea da eta biltzen ditu aipatutako zerbitzuen pareko aplikazioak eta gehiago: wikiak, blogak, argazkiak kudeatzeko gunea, artikulu biltegia, hauen kudeaketa amankomuna (erabiltzaile batzuk aldi berean egin ditzakete aldaketak), eta abar luze bat. Ehun eta piko azal/itxura ezberdin ditu eta aukera berriak ematen dituzten pluginak mila baino gehiago dira.

Azken aste hauek ez dira aspergarriak izan, ez. Pribatasunaren alorrean denetarik ikusi dugu, eta guztia ezin txarragoa: Tom-Tom Holandako bezeroen datuak poliziari saltzen (je je, zertarako izango da?), Apple-k bere Ipad eta Iphone gailuetan gordetzen diren geoposizionamendu datuak jasotzen omen ditu etengabe, erabiltzaileak jakin gabe, eta antzekoa egiten omen du Googlek Android erabiltzen duten gailuekin, ezberdintasuna da Android-en etengabe dagoela oharra. Ez dut jakin nahi zer egiten duen Microsoft-ek bere mugikorrekin…

Internet-eko datuak “izkutatzeko” ezagutzen genuen Google Sharing (http://googlesharing.net/), Android-en WhisperCore, Redphone eta Textsecure daukagu (http://www.whispersys.com/), baina erabat itxia den Iphone edo Ipad batean? Jailbreaking (http://www.jailbreakme.com/) egin eta gero bai, bestela, jai.

Sonyk jaso du hackerren erasoa PSP atarietan eta, dirudienez, erabiltzaileen datuak ostu dituzte, ordainketa txartelarenak barne. Ez da harritzekoa, gure txartela eskatzen digute behin eta berriro, jolasteko, haien zerbitzuak erabiltzeko, eta azken urrats honekin gehiago husteko. Suposatzen dut oinak musukatzeko gurkera egingo dutela arduradunek, baina bitartean, nik http://www.psp-hacks.com/ -en eman ditut nire orduak, je je.

Euskal amaraunean gauzak ez dira gehiegirik aldatu, baina oraindik badago umore pixka batekin egoera politiko naskarria honen aurka zeozer egiteko prest dagoena: http://vdebildu.net/

Uff, garai gogorrak bizitzea egokitu zaigu, zalantzarik gabe. Japonian lurrikara, tsunamia eta apokalipsi nuklearra Fukushiman, Euskal Herritik oso gertu daukagu Garoña, honen bikia. Ikaratuta, Nuclenor-reko langileak rapeatzen ikusten ditugun bitartean  Twitter-ren #desastrofe da hitza. Nik konprobatuko ditut nire abileziak online joko interaktibo honetan: kudeatu zure nuklearra.

Egur gehiago, gerra da eta!!!
Giza eskubide bortxaketa larriak ematen dira hainbat herrialdetan: Ginea, Birmania, Palestina, Sahara, Marokkon, Bahreinen, besteak beste. Eta baita Libian ere. NBEk bakarrik azken honetan indarra erabiltzeko “baimena” eman du. Gogoan dituzue Espainiako Erregea, Aznar edo Zapaterorekin Gadafik izandako bilerak, mezu gozoak eta argazkiak? Ba orain deabrua omen da. Bitartean Facebook-en Gerraren aurkako taldeak sortzen dira nonahi.

Nik, hori bai, baditut beste kezka “gizakiagoak” esku artean: non arraio kokatzen nau nire sakilaren tamainak? Ez, ez da holmesmeter bat. Webgune honetan tamainen mundu mapa agertzen zaigu. Mapa ikusi ondoren… negar egiteko gogoak ala aurpegian irribarre galanta?.

+ www.humorenlared.com-en

Badaramat urte batzuk El Karma umore aldizkariarekin kolaboratzen. Momentu honetan “Deformatika” atalean idazten nuen (lehen beste izen ezberdinekin ezaguna: internet freak….) gaztelaniaz, eta hemendik aurrera euskaraz egitea proposatu didate, eta gustura hartu dut erronka, amaraunaz idaztea, euskaraz eta umorez egitea. Ez dago batere gaizki, je je. Hilero izango dituzue hemen emaitzak, zuen kritikak eta proposamenen berri izatea espero dut. Animatu!!!

Aldaketa nabariak gauzatzen ari dira internet gertuenean. Azken urteotan garrantzia izan duten web gune batzuk desagertu dira: batzuk Euskaltube.org bezala, mantentzeko diru-faltagatik, beste batzuk, Apurtu.org eta Gaztesarea.net bezalakoak Espainiako barne ministerioak itxita (ikusten duzuenez, ez da Sinde Legea aplikatu behar web gune bat ixteko).

Euskal ziber hodeia desagertzeko zorian?
Ez batzuek irauten dute. Sustatu.com da honen adibiderik garbiena, gaur egun ez du beste garaietan zeukan eragina (parte-hartzaileak “sustatuko irreduktibleak” gisa dira ezagunak). Zabaldu.com-ek ez du mugimendu askorik baina hor dago bere lana egiten. Blogari.net-i buruz ez da gehiegirik entzuten baina bizirik dirau, eta Blogak.com-en oraindik ere zer edo zer mugitzen da.

Euskal komunitate berriak
Ba bai, irakurtzen duzun moduan, komunitate berriak sortu dira gure amaraunean, hona adibide batzuk:
Zutagu.net taldeak, sareak eta pertsonen Interneta bultzatu nahi duen ekimen polita.
Blogariak.net Blogari.net-etik sortutako sare soziala.
Iragarkilaburrak.com pertsonen arteko salerosketak biltzeko gunea.
eta, pertsonalki, gehien gustatu zaidana: http://berriketan.info, Berria egunkaritik sortuta eta informazioan oinarritutako sare soziala.

Eguneraketa: Arabako gazte ezkerzale talde bat martxan jartzen ari da beste webgune interesgarri bat Gazteiraultza.info

Gustatu zait bideo hau, Últimas Noticias Uruguaiko egunkariarentzat eginiko iragarkia. Ez dakit zer nolako egunkaria izango da (zutabean agertzen da “Policiales” atala, agian El Correo español bezalako prentsa atzerakoia izan daiteke, baina ez nago ziur). Kontua da egiten duen kazetarien moten deskribapena Euskal Herriko prentsan ere erabil daitekeela, eta espainiarrean ez dut esango, puff.

Info + : www.humorenlared.com

Bazen behin Gasteizen Txanotxu. Bazen bere ama, hirukoitz jardunaldiagatik ez zuena denbora ezertarako. Bazen Apirilaren 22a, Amalurraren eguna eta amonaren urtebetzea. Bazen Kaberna, publizitate faltsuko baso bat. Bazen kontsumoaren otsoa. Bazen amonaren jakintza. Bazen amonaren lagun eta aliatua. Bazen kooperatiba bat non elikadura subiranotasuna eta bidezko merkataritza Txanotxoren saskian bildu ziren.

Zuzendaria: Miriam del Río Sánchez

Marrazki bizidunen egillea: Jone Zugazaga

Iraupena: 20 m.

Creative Commons 3.0

Je je, lanean (etxean espero dut ezetz) sufritzen baduzue windows, hau ikustean barre pare bat botako duzue, seguru…

The Next web-en ikusi dut

Betiko moduan, info guztia hemen.