Oraindik ez dago batere argi zer gertatuko den Delicious zerbitzuarekin. Yahook bere gain kentzeko asmoa azaldu zuen, amaraunean zurrumurruak ugaritu ziren, Delicious-eko garapen taldeko kideek aurrera jarraituko zutela adierazi zuten eta zerbitzua ez zela bertan behera geratu Yahootik laguntza desagertu arren.

Nire kezkarik nagusiena zen ea zer egin nezakeen nire estekak mantentzeko (ia 13000 esteka momentu honetan). Lehendabiziko ekintza delicious-en neuzkanen babes kopia bat egin eta jaitsi, hurrengoa aukera interesgarria bilatzeari ekitea izan zen eta puntu horretan bi aukerekin geratu nintzen:  Diigo eta Bildu

Bien arteko ezberdintasunak nabariak dira, onerako eta txarrerako:

Bildu.net da euskal proiektua (Teketen dago atzean eta hori oso garantia bikaina da), software askean eraikita baina spam gehiegi jasotzen duena.

Diigo.com, aldiz, proiektu estatu batuarra da, software pribatiboan eraikita, doako eta premium bertsioak dituena baina funtzionamendu eta tresna interesgarriak dituena, beste aldetik.

Momentu honetan nire esteka guztiak Diigo-n jarri ditut eta datozen datatan Bildura igotzeko asmoa daukat. Eta zuek? Zer egingo duzue?

Ezagunak dira Steve Jobs-en mugimenduak eta adierazpenak bere merkatu goxoa arriskuan jar dezaketen teknologien aurka, eta azkenaldi honetan gero eta sarriago entzuten dira bere hitzak Google eta Android-en aurka. Azkenetarikoa izan da zalantzan jartzea Android irekia dela.

Andy Rubin da Android-eko burua (CEO) eta bere Twitter kontuan lehendabiziko twit-ean argi utzi:

the definition of open: “mkdir android ; cd android ; repo init -u git://android.git.kernel.org/platform/manifest.git ; repo sync ; make”

Techcrunch-en irakurri nuen atzo eta honen berri meneame-n eman dute.

Gaur, egunean zehar Hootsuite zure Android edo Iphone/Ipod Touch-en dohainik eskura dezakezu bertsio osoa. Aplikazio intereresgarri honek Twitter, Facebook eta Foursquareko kontuak mugikorretik gestionatzeko erabiltzen dut eta primeran egiten du. Aplikazioak 2 bertsio ditu: Lite eta Full. Gaur lite bertsioa instalatzen baduzu Full bertsioak dituen ezaugarriak izango dituzu. Badakizue, bilatu zuen market-en eta aprobetxatu aukera hau.

Kontutan izan eguna (hilaren 13a) EEBBetako ordutegiaren araberakoa dela.

Liburu tekniko interesgarriak daude beti Packt Publishing argitaletxean. GNU/Linux, Drupal, Joomla, OpenStreet Map, CRM-ak eta abar luze bat dira jorratzen dituzten teknologiak (eta, nola ez, Microsoftekoak ere). Lehenenagotik saltzen zituzten pdf formatuan eta egun hauetan gehitu dute Epub formatua. Hori dela eta dohainik jarri dituzte 6 liburu bi formatuetan.

Joomla CMS-ak badu bertsio berria, 1.5.16 hain zuzen, eta segurtasun zulo batzuk konpontzen dituenez, gomendatzen da berehala gaurkotzea.

Bertsio honetako aldaketak hemen ikus ditzakezu (ingelesez).

Hemendik jaitsi daiteke ingelesez eta hemen eskuratu dezakezu euskara hizkuntza bai azalerako eta baita administrazio gunerako.

Gure nabigatzailerik gustukoenak bide luzea egin du. Momentu honetan 3.6 bertsioa da azkena eta batzuek dituen zenbakiak gogorarazi nahi dizkigute:

Firefox euskaraz jaitsi dezakezu, webgune ofizialetik eta Librezale-tik

Ez baduzue Miro ezagutzen, bada garaia. Software honen ezaugarriak saiatuko naiz laburbitzen:

1. Bideoak (HD barne) exekutatzeko tresna paregabea
2. Youtube-tik HD bideoak ikusi eta zure ordenagailura jaitsi
3. Podcast eta bideocast ikusi eta jaisteko aukera aurreratuak
4. Bittorrent integraturik
5. Multi-plataforma (GNU/Linux, Macos X eta Windows)
6. Software askea.

3.0 Bertsioa iragarri dute eta aldaketak interesgarriak dira:

• Azpitituloak kudeatzeko tresta
• Arinagoa abiaraztean eta exekutatzean
• Soinua altuagoa (netbooks-etan hobeto entzuteko)
• Akats batzuk konpondu

Berrikuntza guztiak hemen ikus ditzakezu (ingelesez).

Miro webgunea.

Zeozer saldu nahi baduzu, argi eta garbi saltzailerik onena bilatu behar duzu. Gizonezkoi zuzendutako produktua saldu nahi baduzu Megan Fox izan daiteke saltzailerik “onena” momentu honetan. Gero Android erabiltzen duen Motorola etxeko telefono mugikor honen ezaugarriak bigarren mailako kontuak dira … ala ez?

Otsailaren 4an egin zuten aurkezpen publikoa, eta ezaugarriak oso interesgarriak dira:

• Kordobako Unibertsitate ikerlari talde batek garatuta
• GNU/Linux Debian-en oinarritutako sistema eragilea (SIeSTA, je je, oso andaluziarra)
• Domotikarako prestatuta
• Andaluziako Osasun zerbitzuekin konektatzeko eta datu batzuk bidaltzeko prestatuta (telemedikuntza)
• 300-400€ salgai egongo da maiatzaren aldean
• Jaen-en ekoiztuko da (pentsatzen dut ekoiztu baino, montatuko dutela)