Silicon Lautada » Liburuak

Dohako e-liburuak Packt Publishing-en

Premine — Tue, 27 Jul 2010 08:05:26 +0000

Liburu tekniko interesgarriak daude beti Packt Publishing argitaletxean. GNU/Linux, Drupal, Joomla, OpenStreet Map, CRM-ak eta abar luze bat dira jorratzen dituzten teknologiak (eta, nola ez, Microsoftekoak ere). Lehenenagotik saltzen zituzten pdf formatuan eta egun hauetan gehitu dute Epub formatua. Hori dela eta dohainik jarri dituzte 6 liburu bi formatuetan.

Doako E-book ingelesez: The Principles of Successfull Freelancing

Premine — Sat, 12 Sep 2009 08:35:11 +0000

E-book honen azala

Sitepoint-ek e-book osoa (208 orrialde) eskaintzen du 7 egunez dohainik (ez dakit noiz hasi eta noiz bukatu, baina gaur eskaintzak oraindik dirau). Miles Burkek idatzita, Freelance moduan egin nahi baduzu lan liburu interesgarria da.

Jaitsi ahal izateko Twitter-ren bidez edo posta elektronikoz bidaltzen dizute esteka.

10 Liburu open source jaitsi eta irakurri beharko zenituzkenak….

Premine — Sun, 12 Apr 2009 10:55:04 +0000

Linux Starter PAck-eko azala

Aurreko posteo batean Ubuntu Pocket Guide and Reference gomendatzen nuen, eta Tectonic-en irakurri beharreko open source liburu zerrenda prestatu dute (ez galdu iruzkinak beste batzuk proposatzen baitira). Interesgarria. Gainera guztiak eskura ditzakezu (pdf edo beste formatuetan) doan, hori bai ingelesez. Aipatutako Ubuntu..-z aparte, Linux Starter Pack edo The Cathedral and The Bazaar (Eric S. Raymond) topa dezakegu, besteak beste. Zerrenda osoa eta estekak:

1. Linux Starter Pack

2. The Easiest Linux Guide You’ll Ever Read

3. Ubuntu Pocket Reference and Guide

4. Producing Open Source Software

5. tuXlabs Cookbook

6. Free Culture

7. The Blender Basics

8. Free and Open Source Software for Development

9. LPI 191 and 102 Study Notes

10. The Cathedral and the Bazaar

Muylinux-en ikusita.

Ubunturi buruzko liburu elektronikoa (ebook) ingelesez, dohainik

Premine — Tue, 03 Feb 2009 16:42:18 +0000

Ubuntu pocket guide and reference

Liburu digital interesgarria, benetan, ingelesez egon arren. Jeitsi ahal izateko, web gune ofizialetik pasatu eta 3 mirror (ispilu) ezberdinetatik izango duzu aukera.

Kriptopolis-en ikusita.

Bapateko posteoa: Katixa Agirre, gaur, Sautrelan

Premine — Sat, 20 Oct 2007 13:41:34 +0000

Zapatuan etxean bazkaltzen badut saiatzen naiz Sautrela ikusten. Hasier Etxeberriak gidatzen duen programa gustuko dut, landutako gaiak, estiloa, ematen dion lasaitasuna, eta, nola ez, elkarrizketak eta elkarrizketatuak. Literatura programa ederra, benetan. Gaurkoan Katixa Agirre idazle gasteiztarrarekin izan du solasaldia. Gustatu zait, konplexurik gabeko elkarrizketa izan da, bere asken liburuaz aritu da, “Sua Falta zaigu”izenburua duena, baita blogari moduan izandako esperientziaz, edo idazle eta irakurle moduan dituen erreferentziaz.

Aipatu dut blogaria dela, honen berri Patxiren E-lkarrizketetan izan nuen eta jarraitzaile bilakatu naiz harrez geroztik. G&A (Gauez eta Azpireriaz) du izena idazten duen bloga eta gomendatzen dizuet bueltatxo bat ematea eta artikulu batean edo bestean gelditu, presarik gabe.

“Sua falta zaigu” astelehean erosiko dut.

(Irudia, azala, bere blogetik hartu dut)

Agurain, 750 urte baino gehiago

Premine — Sun, 11 Feb 2007 23:02:10 +0000

Araberak argitaratua eta Unai Gartziak idatzita, hauxe da egindako azken erosketa. Hurrengoetan komentatuko dizuet gehiago (irakurri eta gero, jakina).

Agurain.org webgunean aurkezpenaren kronika txikia topatu dut.

Euskal liburutegi digitalak Iktak.net-en

Premine — Thu, 11 May 2006 05:09:36 +0000

Webgune bilduma majua artikulo interesgarri honetan.

Creative Commons lizentzia eta euskaraz egiten den literatura

Premine — Tue, 25 Apr 2006 17:25:26 +0000

Barrapunto-n irakurtzen dut Jose Antonio Millanek bere azken eleberria, Nueva Lisboa, Creative Commons (CC) lizentziapean argitara eman duela, eskuragai dago bere webgunean. Ez da lehendabiziko hurbilketa, aurrekoa, Nueve Veranos, lizentzia berdinarekin atera baitzuen. Ekimen interesgarria, baina, betiko moduan, berriak gogoeta batzuk egitera bultzatu nau:

Eta euskaraz egiten den literatura?. Amaraunean, eta google-en laguntzaz, adibide batzuk topa ditzakegu, testuak pdf formatuan, libre jaitsi eta irakurtzeko baina lizentzia kontua edo ez da azaltzen edo copyright da. Topatu ditudan liburu biltegitxoak hauexek dira: Donostiako Idazleen liburutegia, euskal testuen gordailua, armiarma (Susa argitaletxeak martxan jarri duen proiektu potentea), Eibar.orgko materixala, marginalia bilduma edo klasikoak euskaraz.

Zergatik ez dauka eraginik kopyleft filosofiak edota CC lizentziak euskal idazleengan? Gutxienez lizentzia itzulita dago librezalen baina beraien lanetan aplikatzen dutenen aztarnarik ez.

Wikipedia eta wikien inguruan sortzen ari dira ekimen interesgarri batzuk literatura eta amarauna beste era batean ulertzeko eta hauen arteko lankidetza bultzatzeko. Wikinovela da adibide interesgarria bezain berria, bertan Jon Arretxe, Juan José Millás eta Espido Freire idazleek hiru wiki-eleberri independiente idazteari ekin diote. Arretxerenak Burdinbidez du izena.