Liburu tekniko interesgarriak daude beti Packt Publishing argitaletxean. GNU/Linux, Drupal, Joomla, OpenStreet Map, CRM-ak eta abar luze bat dira jorratzen dituzten teknologiak (eta, nola ez, Microsoftekoak ere). Lehenenagotik saltzen zituzten pdf formatuan eta egun hauetan gehitu dute Epub formatua. Hori dela eta dohainik jarri dituzte 6 liburu bi formatuetan.

Baneraman denbora hosting berri baten bila, aurreko hosting-a Livingdot.com garestia baitzen. Asko bilatu ostean Greengeeks.com topatu dut, hosting berdea, erabailtzen duten energia guztia eolikoa da. Ez dakit noraino izango den egia (zigiluak eta ziurtagiriak dituzte jarrita baina tira…) baina gustatzen zait pentsatzea urrats txikiak ere ematen ditudala gure kutsaduraren eragina gutxitzeko.

Prezioa ez da garestia (6,95$ hilean, 2 urteko aukera erosten baduzu eta 7,95$ urte batekoa), GNU/Linux,  Cpanel, Fantastico software instaladorea, transferentzia mugarik ez, tamaina mugarik ez, posta-e kontu mugarik ez, CGI, Ruby (RoR), Perl, PHP, MySQL eta domeinu mugarik ez (momentuz 3 domeinu ditut ostaturik); ezaugarri guztiak hemen ikus ditzakezu.

Webgunea: www.greengeeks.com

Wordpress euskaraz

Ba bai, ingelesezko bertsioa orain dela aste pare bat ezagutu (eta instalatu) genuen eta gaur ikusi dut euskarazko bertsioa gaurkotuta dagoela eu.wordpress.org webgunean. Aurrez autoinstalazioa erabili bazenuten, konturatuko zineten aukera batzuk ez zeudela itzulita, ba honekin konpontzen da. Egin beharrekoa? Pakete osoa jaitsi, deskonprimatu, wp-content direktorioa (karpeta) bilatu eta languages-en eu.mo fichategia igo behar dugu gure wordpress instalazioan (/wp-content/languages/ direktorioan). Beste hizkuntza batean baldin baduzue eta euskaratu nahi baduzue, hasierako (root) direktorioan wp-config.php fitxategia izango duzue eta bertan WPLANG bariableari eu balorea eman behar zaio (.mo fitxategiank duen izena, hain zuzen ere) horrela geratuz:

define (‘WPLANG’, ‘eu’);

Gaur izan dut honen berri WordPress hizkuntz-anitza bihurtzeko plugin interesgarria. Askotan gertatu izan zait, egin behar izan ditudala web guneak bi hizkuntzatan, eta Drupal edo Joomla bezalako CMSetan ez dago arazo handirik baina wordpress-ekin ez zen hain erraza. Erabili dut ZDMultilang eta Gengo, baina oso emaitza ezberdinekin. Orain beste bat gehitzen da WPML, eta lehendabiziko frogatan oso gustora geratu naiz. Kontutan hartzeko plugina, benetan.

WPML plugina

Gmail wordpress itxuraren irudia

Je je, nahiko flipatuta geratu naiz WordPress-erako egindako Gmail itxura (theme) ikustean, dohanik jaitsi eta erabili dezakezu. Deluxe Themes-en beste kalitatezko itxurak topa ditzakezu, guztiak doan, hori bai diseinatzailearen copyright-a mantendu behar da, kentzeko 19,99$ itxura eta web gune baikotzeko.

Aldaketa nabarmenak dakarzkigu WordPress bertsio berriak, Coltrane kode izena duena, atal grafikoan eta gestio eta antolakuntzan. Esperientziaz gozatzea espero dut (atzo gaurkotu bainuen) baina euskaldunontzat berri pozgarri batekin dator, librezalekoen lanari esker euskaraz gozatzeko aukera daukagu. Betiko moduan, itzulpena primerakoa da.

Honekin batera eu.wordpress.org webgunea ireki da, hemendik wordpress osoa euskaraz jaisteko aukera duzu (hasieratik euskaraz instalatzeko). Instalatuta ba daukazu eta euskaratu (edo euskarazko bertsioa gaurkotu) nahi ba duzu hemendik jaits dezakezu .mo fitxategia eta, jakingo duzuenez, bloga euskaraz jartzeko 3 pausotxo hauek jarraitu besterik ez duzu egin behar:

1. wp-content direktorioaren barruan, languages direktorioa sortu.
2. languages direktorioan, eu.mo fitxategi hau sartu.
3. wp-config.php fitxategian, WPLANG aldagaiari ‘eu’ balorea eman.

(eu.wordpress.org-tik hartuta)