Gaur egun historikoa izango delakoan gaude asko eta asko. Gure presoen eskubideak aldarrikatzera aterako gara gaur Bilbo eta milaka izango gara Bizkaiko hiriburua elkartasunaz bustiko ditugunak.

Kolosalaizangoda.info web gunean zure atxikimendua emateko aukera izango duzu (ez baduzu jada egin!). Eta manifestuan zehazten duenez, Bilbon egongo gara honako helburuekin:

1- Euskal presoak Euskal Herrira ekartzea
2- Espainiar estatuan ezartzen den 197/06 doktrina bertan behera uztea, eta zigorra bete duten presoak askatzea. Finean, bizi osorako espetxe zigorrarekin amaitzea.
3- Frantziar estatuan ezartzen den bizi osorako zigorra bertan behera uztea, baldintzapeko askatasunei bide emanez.
4- Zigorraren 3/4ak bete dituzten presoen kaleratzea.
5- Gaixotasun larriak dituzten presoak askatzea, eta bestelako gaixotasunak dituzten presoen zaintza egokirako beharrezko neurriak hartzea. Finean presoen osasunerako eskubidea bermatzea da eskatzen duguna.
6- Ireki den aro berrian gatazkaren soluzio bidean modu positiboan eragiteko frantziar eta espainiar estatuek darabilten espetxe politika konponbide gakoetan ezartzea.

Twitter-ren ere jarraitu dezakezu: #kolosalaizangoda eta baita Facebook-en ere: https://www.facebook.com/events/204131436336564/

Arrosa Sarea duela ia hamar urte sortu zen. Euskal Herriko hainbat irrati txikiren arteko elkarlana, edo gaur egun hainbeste entzuten dugun auzolana, oinarri hartuta, sarea eraiki zen, eta 2002ko maiatzetik gaur artekoak lanean eman ditugu. Sarearen funtzio nagusia euskarazko irratsaioak elkartrukatzea izan da, orain artean. Hori dela medio, Donibane Garazin ekoitzitako musika irratsaio batek entzuleak ditu Iruñeko kaleetan, edo hasi berritan dabilen irrati batek programazio duin askoa egin dezake Gasteizen edo Urretxun egindako saioak erabilita.

Bada zerbait. Hala ere, sareko kideok beroni etekin handiagoa atera ahal geniola pentsatu izan dugu beti. Elkarlanean beste hainbat gauza ere egin ahal genituelakoan geunden. Irrati txikiok, gehienok ez-profesionalak gainera, eguneroko lanean agertu zaizkigun beharrei erantzuteko tresna propioak sortu behar izan ditugu. Horretara datoz jardunaldi hauek, hain zuzen ere: tresna hauek elkartrukatzera, bakoitzaren ezagutza besteekin konpartitzera. Hamar tailerretan hamar gairen inguruan lanean arituko gara. Oinarrizkoenetik, teknikoenera. Beti ere, kontu praktikoak. Honekin, hasi berri diren, edo hastear dauden, herri- edo auzo-irratiei dei berezia egin nahi diegu jardunaldiotara etortzeko. Ateak zabalik daude interesa daukan edonorentzat.

Lanotan goiz partea emango dugu, bazkaldu eta arratsaldeko saioari ekiteko. Arratsaldean pare bat gairen inguruan solasean arituko gara nagusiki, berauek landu dituztenen esperientzietan oinarrituta. Batetik generoa eta komunikabideak gaia hartuko dugu hizpide, eta bestetik irratiak eta teknologia berriak. Eguna gerturatu ahala esango dizuegu zein esperientziaren inguruan ariko garen, eta nortzuk izango ditugun gonbidatu.

Jardunaldiei amaiera emateko, denon arteko eztabaida saiotxo bat egingo dugu, Word Cafe moduan, eta nola ez, Euskal Herrian ezin da bestela eta, Gauerako kontzertu pare bat ere antolatu dugu.

Hau guztia Bergarako Gaztetxean izango da otsailaren 25ean, larunbata, goizeko 10:00etan hasita.

Informazio gehiago nahi izatera idatzi arrosa.sarea@gmail.com helbidera edo deitu 656 748 025 telefonora (Jon)

Prentsaurrekoa jarraian entzun dezakezu:

Arrosa Irrati Sarea www.arrosasarea.org

2011ko Abenduaren 29an, Bergarako Gaztetxean

Ostegun honetan Bilboko Hikaateneoan hitzaldi interesgarri bat egongo da. Bizkai Benetan Maitek antolatzen du.

Hemen Araban kezka batzuk baditugu naturaren aurkako erasoak direla eta…:

Olaztin Portland-ek errausketa egiteko baimena lortu du Nafarroako Gobernutik, eta kezka sortu du lautadan eta sakanan.

Patxi Lopezek EEBB-etan iragarri du Arabako lautadan “topatu” duten gasa aterako dutela “fracking” bezala ezagutzen den sistema eta teknologia erasokorra eta kutsagarriaren bidez. Ekologistak Martxan eta Lurra honen aurka azaldu dira.

Oso bideo polita gogoratzeko Errekalde auzoari eta  Kukutza gaztetxearekin zer eta nortxuk egin duten:

Irailak 9 goizeko 5.30ak aldera polizia etorri zen Errekaldera, Kukutza III botatzeko bidea emango zuen desalojoari ekiteko prest. Hurbildu ziren auzokideen aurka bortizki jokatuz gomazko pilotak jaurtiz eta porrazoak emanez oldartu zitzaizkien. Espekulazioa eta botere pribatua kultura eta publikotasunaren gainetik jarri ziren.

http://vimeo.com/29523732

Gaztelumendi-n ikusi dut bideoa eta piloa gustatu zait.

Posta-e bidez jasota: Gaur asteazkena, hilaren 17a, arratsaldeko 19etan Palestinaren historia eta gaur egungo egoerari buruzko hitzaldi bat egongo da Aguraingo Herriko tabernan. Ali Mohammad Jadeh palestinarra etorriko da hitzaldia ematera eta oso interesgarria izango da.

Aurreko edizioetan bezala kalea okupatuko dugu arrozen inguruan kulturaniztasuna eta jaioterri ezberdinen arteko harremana aldarrikatzeko eguna. Aurten Eskoriaza Eskibel Enparantzan izango da, Gasteizko alde zaharrean. Gehiago jakin nahi baduzu edo zure koadrila, lankide, ikaskide edo bikotearekin arroza prestatu nahi baduzu, jarri harremanetan e-mail honetan gasteiz.mundukoarrozak@gmail.com edo webgunean dagoen kontaktu formularioa erabiliz: www.mundukoarrozak.info.

Agiria:

Ez da makala ez, azken aldi honetan etengabeko giza mugimendu eta hedabide alternatiboen kriminalizazio prozesua. Are gehiago Bartzelonako Udalak Kaosenlared.neten aurka fiskaltzari eskatutakoa ikusita: prozedura juridikoak irekitzearen hausnarketa aipatutako webak bortizkeriaren defentsan aritu izan direlakoan.

1-Kaosenlared.netek bere ekimen informatibo zehatzean ez du inoiz ekimen bortitzik egiteko deialdi edo aipamenik egin, are gehiago hedabide hau funtsezkoa bihurtu denean zenbait idazle eta autorek, argitalpen askea dela medio, informazio eta berri anitz argitaratu zezaten. Zentzu berean Kaosenlared.neteko laguntzaile taldeak (mundu osoan ezagutzen diren ezker anitzetako pertsonalitateak) komunikabide alternatibo, aske, fidagarri eta anitza eratzen eta garatzen dute, bortizkeriaren sostengua edota bultza erabat at direlarik.

2-Informazioaren Garaian bizi gara, Internetarenean, laugarren belaunaldiko gerratea deritzotena (gerra mediatikoa) eta klase menpekatzaileak berriz saiatzen ari da herritar klasearen informazio alternatiboa kriminalizatzen.

3-Baina ekimen hau ez baita ekimen isolatua, sakonago oinarritzen den kanpaina baten aztarna da, Herritar Mugimendua kriminalizatzearena eta azken hauen ahotsa eta espazioa komunikabide alternatiboak direlarik, jakin dakigunean burgesiak eta kapitalak kontrolatzen dituen hedabideetan ez dela honelakoentzat lekurik..

4-Inoiz baino argiagoa da iritzi alternatiboak eta mundu hobe baten alde borrokatzen duten pertsonak isilaraztea dela helburua, hedabide horiek ikusterik besterik ez dago jarrera alternatiboen inguruan informatzen dutenean, edota Herritar Mugimenduaren erakundeen komunikatuak edo iritziak isiltzen direnean.

5-Langile klasearen eta herritar mugimenduaren alde ari diren hedabide alternatiboek bakea aldarrikatzen dute. Giza Justiziarekin lotuta dagoen bakea. Herriaren helburuek ez dute zerikusirik menpekotasunean oinarritutako gizarte egitura eta antolaketa ekonomiko honek, esklabukotasun modernoa, egunero jasarazten digun itxurakeri zatarrekin.

6-Lan eta gizarte prekarietatean eta eraso polizial eta judizialpean kokatzen den borroka antikapitalistak botere hegemonikoaren aurkako hedabideak behar ditu, gure adierazpen askatasuna eta antolaketa eskubidea bermatzeko. Inork ukatu ezin duen giza eskubide demokratikoa.

7-Kaosenlared.net edota beste edozein hedabide alternatibo ixtekotan nazioarteko eta Espainiako adierazpen askatasunaren alorreko legedia hautsiko zen. Lege hauen arabera leporagarri liteken ekimenak idazkien sinatzaileen erantzunkizunarenpean gelditzen dira eta ez erabiltzen diren hedabideetan, zabaltzeko tresna hutsa direlarik. Ez baita beraz arrazoi juridikorik komunikabide alternatibo hauen aurka ekiteko. Biolentziaren aldeko apologia, espainiar kode penala dela eta (510.artikuluan), bakarrik hartuko da kontutan arrazoi arrazista, antisemita edota ideologikoa baldin bada medio eta zentzu honetan Kaosenlared.net gutxiengoen eskubideen eta ideia demokratiko guztien defentsan eta errespetuan eredu da eta horretan datza.

8-Gure elkartasun osoa adierazi nahi diegu bai Kaosenlared.neti eta baita ere modu berean ikusmiran jarri dituzten hedabide alternatibo guztiekin, eta azpimarkatu tinko gure egon eza eta amorrua adierazpen askatasunaren kontra egindako azken eraso honekin.

9-Kaosenlared.neten la, idatzi eta irakurtzen dugunok argi adierazten dugu hedabide alternatibo eta Herritar Mugimenduaren kriminalizazioaren aurka gaudela.

10-Gure borroka ideien arteko lehian eta informazio profesional eta alternatiboan kokatzen da. Hitza, argudioa eta pentsamendu kritikoa ez besterik dira gura armak. Bakezaleak gara.

Sinatzeko eta ikusteko sinadurak

Badaramagu neska eta biok ia bi urte kontsumo talde batean Gasteizen eta oso pozik, egia esateko. Bere hastapenetan EHNEk bultzatu zuen Herrilur ekimenaren bidez eta poliki-poliki bere nortasuna finkatu du, gaur egun Nekasarea izenarekin ezagutzen da. Zer da proiektu hau? Ekoizlea (baserritarra) eta kontsumitzailea lotu, bitartekaririk gabe. Gu Laudioko Iñakirekin gaude; astero jasotzen dugu saskia hainbat produktuekin: fruta, ogia, barazkiak, gazta, oilaskoa, …

Bi urte hauetan zehar gure kontsumo ohiturak aldatu ditugu nabarmen,  gauza batzuk ez erosten, posible dugun neurrian denda txikietan erosten eta gure kontsumo ardatz nagusia Iñakiren saskia bihurtzen. Baditu 11 kontu nabarmentzekoak baina guretzat inportanteenak gertutasuna, kalitatea, prezioa eta konfiantza dira. Saskiaren produktuak zure beharretara egokitzen dira (guk txerrikiak kendu ditugu, gazta gehitu,…) momentuaren arabera eta hori bai, garaiko produktuak dira, lokalak eta ekoizpen ekologikoak.

Gasteizko taldean oso inportantea izan da El 70 tabernaren papera, bertan bildu, eztabaidatu, taldeak dinamizatu, …

Info gehiago duzue Baserri Bizia aldizkarian.

Consumoresponsable.info-k eman zidan bideoa eta artikuluaren berri.