Gaur egun historikoa izango delakoan gaude asko eta asko. Gure presoen eskubideak aldarrikatzera aterako gara gaur Bilbo eta milaka izango gara Bizkaiko hiriburua elkartasunaz bustiko ditugunak.

Kolosalaizangoda.info web gunean zure atxikimendua emateko aukera izango duzu (ez baduzu jada egin!). Eta manifestuan zehazten duenez, Bilbon egongo gara honako helburuekin:

1- Euskal presoak Euskal Herrira ekartzea
2- Espainiar estatuan ezartzen den 197/06 doktrina bertan behera uztea, eta zigorra bete duten presoak askatzea. Finean, bizi osorako espetxe zigorrarekin amaitzea.
3- Frantziar estatuan ezartzen den bizi osorako zigorra bertan behera uztea, baldintzapeko askatasunei bide emanez.
4- Zigorraren 3/4ak bete dituzten presoen kaleratzea.
5- Gaixotasun larriak dituzten presoak askatzea, eta bestelako gaixotasunak dituzten presoen zaintza egokirako beharrezko neurriak hartzea. Finean presoen osasunerako eskubidea bermatzea da eskatzen duguna.
6- Ireki den aro berrian gatazkaren soluzio bidean modu positiboan eragiteko frantziar eta espainiar estatuek darabilten espetxe politika konponbide gakoetan ezartzea.

Twitter-ren ere jarraitu dezakezu: #kolosalaizangoda eta baita Facebook-en ere: https://www.facebook.com/events/204131436336564/

Arrosa Sarea duela ia hamar urte sortu zen. Euskal Herriko hainbat irrati txikiren arteko elkarlana, edo gaur egun hainbeste entzuten dugun auzolana, oinarri hartuta, sarea eraiki zen, eta 2002ko maiatzetik gaur artekoak lanean eman ditugu. Sarearen funtzio nagusia euskarazko irratsaioak elkartrukatzea izan da, orain artean. Hori dela medio, Donibane Garazin ekoitzitako musika irratsaio batek entzuleak ditu Iruñeko kaleetan, edo hasi berritan dabilen irrati batek programazio duin askoa egin dezake Gasteizen edo Urretxun egindako saioak erabilita.

Bada zerbait. Hala ere, sareko kideok beroni etekin handiagoa atera ahal geniola pentsatu izan dugu beti. Elkarlanean beste hainbat gauza ere egin ahal genituelakoan geunden. Irrati txikiok, gehienok ez-profesionalak gainera, eguneroko lanean agertu zaizkigun beharrei erantzuteko tresna propioak sortu behar izan ditugu. Horretara datoz jardunaldi hauek, hain zuzen ere: tresna hauek elkartrukatzera, bakoitzaren ezagutza besteekin konpartitzera. Hamar tailerretan hamar gairen inguruan lanean arituko gara. Oinarrizkoenetik, teknikoenera. Beti ere, kontu praktikoak. Honekin, hasi berri diren, edo hastear dauden, herri- edo auzo-irratiei dei berezia egin nahi diegu jardunaldiotara etortzeko. Ateak zabalik daude interesa daukan edonorentzat.

Lanotan goiz partea emango dugu, bazkaldu eta arratsaldeko saioari ekiteko. Arratsaldean pare bat gairen inguruan solasean arituko gara nagusiki, berauek landu dituztenen esperientzietan oinarrituta. Batetik generoa eta komunikabideak gaia hartuko dugu hizpide, eta bestetik irratiak eta teknologia berriak. Eguna gerturatu ahala esango dizuegu zein esperientziaren inguruan ariko garen, eta nortzuk izango ditugun gonbidatu.

Jardunaldiei amaiera emateko, denon arteko eztabaida saiotxo bat egingo dugu, Word Cafe moduan, eta nola ez, Euskal Herrian ezin da bestela eta, Gauerako kontzertu pare bat ere antolatu dugu.

Hau guztia Bergarako Gaztetxean izango da otsailaren 25ean, larunbata, goizeko 10:00etan hasita.

Informazio gehiago nahi izatera idatzi arrosa.sarea@gmail.com helbidera edo deitu 656 748 025 telefonora (Jon)

Prentsaurrekoa jarraian entzun dezakezu:

Arrosa Irrati Sarea www.arrosasarea.org

2011ko Abenduaren 29an, Bergarako Gaztetxean

Ostegun honetan Bilboko Hikaateneoan hitzaldi interesgarri bat egongo da. Bizkai Benetan Maitek antolatzen du.

Hemen Araban kezka batzuk baditugu naturaren aurkako erasoak direla eta…:

Olaztin Portland-ek errausketa egiteko baimena lortu du Nafarroako Gobernutik, eta kezka sortu du lautadan eta sakanan.

Patxi Lopezek EEBB-etan iragarri du Arabako lautadan “topatu” duten gasa aterako dutela “fracking” bezala ezagutzen den sistema eta teknologia erasokorra eta kutsagarriaren bidez. Ekologistak Martxan eta Lurra honen aurka azaldu dira.

Oso bideo polita gogoratzeko Errekalde auzoari eta  Kukutza gaztetxearekin zer eta nortxuk egin duten:

Irailak 9 goizeko 5.30ak aldera polizia etorri zen Errekaldera, Kukutza III botatzeko bidea emango zuen desalojoari ekiteko prest. Hurbildu ziren auzokideen aurka bortizki jokatuz gomazko pilotak jaurtiz eta porrazoak emanez oldartu zitzaizkien. Espekulazioa eta botere pribatua kultura eta publikotasunaren gainetik jarri ziren.

http://vimeo.com/29523732

Datorren larunbatean izango da Bilboko Unamuno Enparantzan, eguerdian.

Ecodisc du izena eta orain arte ez nuen ezagutzen. Pasa den astean Linux Format aldizkaria erosi nuen Bilbon eta, GNU/Linux aldizkariekin gertatzen den moduan, DVDa zekarren 3 distro/banaketekin. Nire harridurarako DVDak ez zuen ia pisurik eta erabat flexiblea zen, eta azalean azaltzen zuen moduan DVD Ecodisc zen. Erabili dut bai ordenadore zahar batean eta baita berri batean ere eta ez du inolako arazorik izan, primeran irakurtzen dute. Gehiago sakondu dut eta dirudienez DVD arruntekin konparatuta garbiagoa da. Alde batetik geruza bakarreko DVDak dira, guztiz birziklatu daitekeena, DVD bakoitzak ekoizteko energia erdia behar da eta gainera ekoizpenean ez dute erabiltzen osagai toxikorik.

Sorpresa izan da estatu mailan ea bazegoen banaketa egiten duen enpresarik begiratzen nengoela eta Bizkaiko enpresa bat izatea Duradisc.com. Ez dakit produktoreak diren (ekologikoena) edo inportatzaileak diren (garraioa gehitu beharko zaio eta ez da hain ekologikoa izango). Webgunean preziorik edo kopuru txikiak hartzeko aukerarik ez dut ikusi. Ezagutzen duzue saltzen duen dendarik?

Abenduaren 5ean jaia prestatu dute Irratia.com-eko lagunek 100. irratsaioarekin batera eta “Basque Digital Shepherds Meeting” deitu dute, je je. Bilbo Kafe Antzokian izango da jaia eta ahaleginak egingo ditut Patxi, Javi eta besteekin egiteko. Hona hemen prestatutako bideoklipa, Euskaltuben ere badaukazu:

[youtube]http://www.youtube.com/watch?v=iHlwwNNLPrU[/youtube]

Barrapunton irakurri dut, dagoeneko 2007ko Hackmeeting-eko Call4nodes (deialdia eta egitaraua-proposamenak) iragarrita dagoela. Aurten Gernikan izango da, urriaren 12, 13 eta 14an, Astra Gernikeko Gaztetxien.

Informazio guztia Hackmeeting-eko webgunea daukagu.

Hasteko guztiok ordaintzen dugun EITBko gai nagusia: Athleticeko hauteskundeak. Hau bai pasada! Berdin zuen zer hedabide hartu, zer katea aukeratu, … kandidato bati kriston esparrua, inkestak, emaitzak, boto tendentziak sortzeko kanpaina aparta, hauteskunduak-emaitzak-eta-balorazioak, bla bla. Agian zuetariko norbait minduta senti daiteke (emm, bizkaitarra izanda, koadrilan ez banaute erabateko boikota egiten…) baina potrotaraino nago, hau al da herria egitea? zer nolako herria?. Ez al daukagu beste keska eta behar? Ogia eta zirkoa zioten erromatar buruzagiek. Futbola bai baina euribor ikusita, ogi edo talo gutxi.

Rolling Stones: segurazki EHan egindako kontzerturako 5 edo 6 euro gastatu dute publizitatean, EITBk hartu baitu bere gain, guztion diruarekin – nola ez. Teleberrietan, kotileo kutreko programetan (“Pásalo” daukat gogoan, baina seguru beste baten bat egongo dela, ezagutzen ez dudana) gai nagusia bilakatu da azken asteotan.

Badakizue zenbat kobratu duten agure hauek? Entzun duzue muntaketa lanetan 2 langile hil direla? Eta kontzertu pribatuak ematen dituztela Deutsche Bank bezalako “erakunde rockzale”entzako? Gainera ez ditut inoiz gustukoak izan. Bitartean euskal rockak ez du ia esparrurik EITBn. Kaka.

Bukatzeko bi kontu benetan positiboak. Euskal Herria 2.0 ekimenetik web 2.0 tailerrak jartzen ari dira abian. Araban uztailaren 21ean izango da, Saregunen. Aukera polita, benetan, baina datorren astean luze eta zabal komentatuko dizkizuet nondik norakoak.

Gaur Patxirekin bazkaldu dut Gasteizen, eta benetan, gozada izan da. Lagun piloa amankomunean, teknologiaren ikuspegi nahiko hurbilak, eta kezka eta zalantza antzekoak. Primeran pasatu dut, lagun!

Hona hemen prestatutako manifestua.

Pandon merkaltal gunea eraikitzearen aurkako adierazpena.

Portugaleteko Errepelega auzoan merkatal gune handi bat eraikitzekotan dira. Hori dela eta, SOS Ezkerraldea-tik gure gaitzespenik sendoena agertu nahi dugu merkatal gune horren aurka, eta hona hemen arrazoiak:

Ekonomikoak: Batetik, merkatal gune hau irekitzeak Portugaleteko (eta inguruko) merkatari txikientzako eta
ostalarientzako euren azkena ekarriko lukeelako, horiexek baitira erarik larrienean bizi dutenak azken urteotan jasaten ari garen ekonomiaren moteltze hau, kontutan izanik duela urte batzuk sektore horiek izan zirela Portugalete herriaren motore ekonomikoak.

Bestetik, gure gazteriaren zati handi bat erabateko prekarietate egoeran lan egitera behartuta egongo direlako, eta lan horiekin nekez eraman ahal izango dute bizimodu duina, izan ere ezin izango baitituzte beren beharrizan oinarrizkoenak bete (nahiko adibide bada inguruko merkatal guneetan).

Ingurugiro arlokoak: Kontutan izanik Portugalete herria beti trafikoak itota eta hormigoiz beteta dagoen herria dela, ezinbestekoa egiten da erabateko norabide-aldaketa ematea erakundeetatik bultzatzen ari diren politika honi. Merkatal gune hau eraiki nahi duten Pando inguruan aisialdirako gune berde handi bat sor daiteke, izan ere Portugaleten ia ez baitago horrelako leku gehiagorik.
Bestetik, azpimarratu egin behar da ibilgailuekin itota dagoela beti herria, eta holako merkatal gune handi batek arazo hori larritu besterik ez duela egingo, ez inoiz konpondu.

Aisialdia eta kontsumo arlokoak: Gure aisialdia ezin da kontsumismo hutsarekin lotu. Erakundeek beren aldetik ederki zapuztu dituzte herritarren parte hartzea bultzatzearen alde eta zegoen gunea asialdirako erabiltzearen alde zeuden dinamikak.

Horrela, auzoetan ez dago ekipamendurik, eta bertako jaiak ia-ia desagertu egin dira. Merkatal gune batek mota bakarreko aisialdia eskaintzen du, eta hori neurri gabeko kontsumoarekin dago lotuta, elkarren arteko gizarte harremanak itxuragabetuz.

Ezin dugu utzi ondorengo belaunaldiak horrelako giroan haz daitezen, beren aisialdi denbora lau pareten artean sartuta eta neurririk gabe kontsumitzen emanez.

Arrazoi hauengatik, eta gehiagogatik, SOS Ezkerraldea-tik zure laguntza eskatzen dugu, Udal honetako Gobernu taldeari egingo dizkiogun eskakizun hauek bultzatzeko:

1.- Luzamendu bat sustatu dezala, eta abian jarritako lanak gerarazi, herritarrek proiektu honi buruzko iritzia eman
arte.

2.- Datozen udal hauteskundeetan azpiegitura hori erabiltzea erreferendum bat antolatzeko, merkatal gune hori herrian kokatu ala ez erabakitzeko.

Adierazpena sinatzen dituzten eragileak

· Kultura, aisialdi eragileak: Portuaktiva, Bandasanblada, Harribola, E.H.E. (Euskal Herrian Euskaraz), A.E.K. (Alfabetatze Euskalduntze koordinakundea).

·Sindikatuak: ELA, LAB, ESK, Ikasle Abertzaleak.

·Auzokide elkarteak: AA.VV. Alonso Allende (Repelega), AA.VV Herrikoi de Azeta, AA.VV Los Robles (Repelega).

· Gazte Erakundeak: Segi.

·Hostalari eta dendari elkarteak: Alde Zaharra/Casco viejo, Ojillo.

·Herri plataformak: Jarrilleroak.