Abenduaren 5ean jaia prestatu dute Irratia.com-eko lagunek 100. irratsaioarekin batera eta “Basque Digital Shepherds Meeting” deitu dute, je je. Bilbo Kafe Antzokian izango da jaia eta ahaleginak egingo ditut Patxi, Javi eta besteekin egiteko. Hona hemen prestatutako bideoklipa, Euskaltuben ere badaukazu:

[youtube]http://www.youtube.com/watch?v=iHlwwNNLPrU[/youtube]

Barrapunton irakurri dut, dagoeneko 2007ko Hackmeeting-eko Call4nodes (deialdia eta egitaraua-proposamenak) iragarrita dagoela. Aurten Gernikan izango da, urriaren 12, 13 eta 14an, Astra Gernikeko Gaztetxien.

Informazio guztia Hackmeeting-eko webgunea daukagu.

Baneraman denbora bat idatzi gabe, badakizue, betiko aitzakiak: lana, eguraldia, etab. Kontua da uztailean lan piloa daukadala baina nekea izan da aste honetako protagonista. Maila guztietan.

Hasteko guztiok ordaintzen dugun EITBko gai nagusia: Athleticeko hauteskundeak. Hau bai pasada! Berdin zuen zer hedabide hartu, zer katea aukeratu, … kandidato bati kriston esparrua, inkestak, emaitzak, boto tendentziak sortzeko kanpaina aparta, hauteskunduak-emaitzak-eta-balorazioak, bla bla. Agian zuetariko norbait minduta senti daiteke (emm, bizkaitarra izanda, koadrilan ez banaute erabateko boikota egiten…) baina potrotaraino nago, hau al da herria egitea? zer nolako herria?. Ez al daukagu beste keska eta behar? Ogia eta zirkoa zioten erromatar buruzagiek. Futbola bai baina euribor ikusita, ogi edo talo gutxi.

Rolling Stones: segurazki EHan egindako kontzerturako 5 edo 6 euro gastatu dute publizitatean, EITBk hartu baitu bere gain, guztion diruarekin - nola ez. Teleberrietan, kotileo kutreko programetan (”Pásalo” daukat gogoan, baina seguru beste baten bat egongo dela, ezagutzen ez dudana) gai nagusia bilakatu da azken asteotan.

Badakizue zenbat kobratu duten agure hauek? Entzun duzue muntaketa lanetan 2 langile hil direla? Eta kontzertu pribatuak ematen dituztela Deutsche Bank bezalako “erakunde rockzale”entzako? Gainera ez ditut inoiz gustukoak izan. Bitartean euskal rockak ez du ia esparrurik EITBn. Kaka.

Bukatzeko bi kontu benetan positiboak. Euskal Herria 2.0 ekimenetik web 2.0 tailerrak jartzen ari dira abian. Araban uztailaren 21ean izango da, Saregunen. Aukera polita, benetan, baina datorren astean luze eta zabal komentatuko dizkizuet nondik norakoak.

Gaur Patxirekin bazkaldu dut Gasteizen, eta benetan, gozada izan da. Lagun piloa amankomunean, teknologiaren ikuspegi nahiko hurbilak, eta kezka eta zalantza antzekoak. Primeran pasatu dut, lagun!

Kasu honetan Eroski Portugaleteko Pando auzoan eraikitzen ari den Max-Pandoren kontra azaldu dira hainbat erakunde herritar. 150 miloi € kostatuko du Eroskiren megaproiektu berriak eta PSE-EEren oniritsia dauka.

Hona hemen prestatutako manifestua.

Pandon merkaltal gunea eraikitzearen aurkako adierazpena.

Portugaleteko Errepelega auzoan merkatal gune handi bat eraikitzekotan dira. Hori dela eta, SOS Ezkerraldea-tik gure gaitzespenik sendoena agertu nahi dugu merkatal gune horren aurka, eta hona hemen arrazoiak:

Ekonomikoak: Batetik, merkatal gune hau irekitzeak Portugaleteko (eta inguruko) merkatari txikientzako eta
ostalarientzako euren azkena ekarriko lukeelako, horiexek baitira erarik larrienean bizi dutenak azken urteotan jasaten ari garen ekonomiaren moteltze hau, kontutan izanik duela urte batzuk sektore horiek izan zirela Portugalete herriaren motore ekonomikoak.

Bestetik, gure gazteriaren zati handi bat erabateko prekarietate egoeran lan egitera behartuta egongo direlako, eta lan horiekin nekez eraman ahal izango dute bizimodu duina, izan ere ezin izango baitituzte beren beharrizan oinarrizkoenak bete (nahiko adibide bada inguruko merkatal guneetan).

Ingurugiro arlokoak: Kontutan izanik Portugalete herria beti trafikoak itota eta hormigoiz beteta dagoen herria dela, ezinbestekoa egiten da erabateko norabide-aldaketa ematea erakundeetatik bultzatzen ari diren politika honi. Merkatal gune hau eraiki nahi duten Pando inguruan aisialdirako gune berde handi bat sor daiteke, izan ere Portugaleten ia ez baitago horrelako leku gehiagorik.
Bestetik, azpimarratu egin behar da ibilgailuekin itota dagoela beti herria, eta holako merkatal gune handi batek arazo hori larritu besterik ez duela egingo, ez inoiz konpondu.

Aisialdia eta kontsumo arlokoak: Gure aisialdia ezin da kontsumismo hutsarekin lotu. Erakundeek beren aldetik ederki zapuztu dituzte herritarren parte hartzea bultzatzearen alde eta zegoen gunea asialdirako erabiltzearen alde zeuden dinamikak.

Horrela, auzoetan ez dago ekipamendurik, eta bertako jaiak ia-ia desagertu egin dira. Merkatal gune batek mota bakarreko aisialdia eskaintzen du, eta hori neurri gabeko kontsumoarekin dago lotuta, elkarren arteko gizarte harremanak itxuragabetuz.

Ezin dugu utzi ondorengo belaunaldiak horrelako giroan haz daitezen, beren aisialdi denbora lau pareten artean sartuta eta neurririk gabe kontsumitzen emanez.

Arrazoi hauengatik, eta gehiagogatik, SOS Ezkerraldea-tik zure laguntza eskatzen dugu, Udal honetako Gobernu taldeari egingo dizkiogun eskakizun hauek bultzatzeko:

1.- Luzamendu bat sustatu dezala, eta abian jarritako lanak gerarazi, herritarrek proiektu honi buruzko iritzia eman
arte.

2.- Datozen udal hauteskundeetan azpiegitura hori erabiltzea erreferendum bat antolatzeko, merkatal gune hori herrian kokatu ala ez erabakitzeko.

Adierazpena sinatzen dituzten eragileak

· Kultura, aisialdi eragileak: Portuaktiva, Bandasanblada, Harribola, E.H.E. (Euskal Herrian Euskaraz), A.E.K. (Alfabetatze Euskalduntze koordinakundea).

·Sindikatuak: ELA, LAB, ESK, Ikasle Abertzaleak.

·Auzokide elkarteak: AA.VV. Alonso Allende (Repelega), AA.VV Herrikoi de Azeta, AA.VV Los Robles (Repelega).

· Gazte Erakundeak: Segi.

·Hostalari eta dendari elkarteak: Alde Zaharra/Casco viejo, Ojillo.

·Herri plataformak: Jarrilleroak.

Bizkaiko kostaldean dagoen, eta askorentzat uda-herria bezala ezagututa, herri politak badauka arrisku bizia. Udalak 462 salneurri libreko etxe eta golf zelaia eraiki nahi du, 4 solairutako 14 bloke kosta-lerrotik oso gertu, Gaztelugatxeko biotopoaren ondoan 40 etxe bakun eta guzti hau inguru gaineko eragin azterketarik gabe.

Herrian hasi dira honen aurrean antolatzen eta BakioSOS plataforma sortu da. Webgunea ireki dute informazio guztiarekin eta honen aurka online sinatzeko aukerarekin. Zoritxarrez webgunea erderaz soilik dago baina hori berehala konponduko dutelakoan nago.

http://www.bakiosos.org

http://www.petitiononline.com/bksos06/