Martxoaren 4an, arratsaldean, 16:00etatik aurrera, hitzaldi-gertakari interesagarria daukagu Minaon, ESLEk prestatua eta Enpresa Digitalak eskainia. Hona hemen informazioa:

Ordutegia: 16.00etatik 19.00etara

Iraupena: 3 ordu

Enpresa: ESLE

Antolatzailea: Araba Enpresa Digitala

Deskripzioa:

Jardunaldiaren xedea:

Software librean oinarritutako negozio-eredu berriak jakitera ematera, eta baita Software Libreak softwareren industria-sektorean agertzerakoan izan duen inpaktua ere. Horretarako euskal enpresan funtzionatzen dauden zenbait kasu arrakastatsu aurkeztuko ditugu.

Tokia: Eraikin Nagusia - Arabako Teknologi Parkea - Miñao

Egitaraua:

- Sarrera: Software librearen gaur egungo egoerari eta enpresaren kudeaketan software libreak duen aplikazioari buruzko aurkezpena.
Pablo Garaizar. Deustuko Unibertsitatea.

- Atsedenaldia- Kafea.

- Zenbait kasu arrakastatsu:
Codesyntax - Eneko Astigarraga
Irontec - Iker Sagasti
Ikusnet - Daniel Armendáriz
Abartia Team - Susana Izquierdo

- Galderen txanda.

Asko eman dezaketen hizlariak eta gaia elkartzen direnean … akabo ;- ) . Bihar, hilaren 10, bazkaldu ostean (16:00etan) eta Arabako Teknologia Elkartegian (ah, eta dohakoa). Egitaraua?:

1. Sare sozial korporatiboak eta sare sozial irekien eragina enpresa ingurunean (16:00 - 16:40) Hizlaria: Jose A. del Moral. Alianzo 

2. Groupware eta barne partaidetzako tresnak (16:40 - 17:20) Hizlariak: Aitzol Naberan eta Eneko Astigarraga. CodeSyntax

3. Kaferako atsedenaldia.

4. Lankidetzan, sindikazioan, parte-hartzean, formatu berrietan eta mikroformatuetan oinarritutako informazio-azterketa eta jarraipenerako tresnak. (17:30 - 18:10) Hizlaria: Gorka Julio. Elurnet informatika zerbitzuak 

5. Blogak korporazio eta marketin tresna bezala (18:10 - 18:50) Hizlaria: Sergio Monge 

Info guztia Enpresa Digitalean.

Pasa den asteartean, hilaren 27an, Hala Bedi Irratiko “Oreka Desorekan” irratsaioan elkarrizketa izan nuen, lana, teknologia berriak, alde zaharra, etab luze batez aritu ginen oso gustura.

Hala Beditik egin da muntaia, Ustream.tv zerbitzua erabiliz. Audioa nahiko ondo entzuten da, bideoak, aldez, ADSLek dituen mugak sufritzen ditu.

Zapatuan etxean bazkaltzen badut saiatzen naiz Sautrela ikusten. Hasier Etxeberriak gidatzen duen programa gustuko dut, landutako gaiak, estiloa, ematen dion lasaitasuna, eta, nola ez, elkarrizketak eta elkarrizketatuak. Literatura programa ederra, benetan. Gaurkoan Katixa Agirre idazle gasteiztarrarekin izan du solasaldia. Gustatu zait, konplexurik gabeko elkarrizketa izan da, bere asken liburuaz aritu da, “Sua Falta zaigu”izenburua duena, baita blogari moduan izandako esperientziaz, edo idazle eta irakurle moduan dituen erreferentziaz.

Aipatu dut blogaria dela, honen berri Patxiren E-lkarrizketetan izan nuen eta jarraitzaile bilakatu naiz harrez geroztik. G&A (Gauez eta Azpireriaz) du izena idazten duen bloga eta gomendatzen dizuet bueltatxo bat ematea eta artikulu batean edo bestean gelditu, presarik gabe.

“Sua falta zaigu” astelehean erosiko dut.

(Irudia, azala, bere blogetik hartu dut)