Hala Beditik egin da muntaia, Ustream.tv zerbitzua erabiliz. Audioa nahiko ondo entzuten da, bideoak, aldez, ADSLek dituen mugak sufritzen ditu.

Idoia Zenarrutzabeitia Jaurlaritzako lehendakariorde eta Ogasun sailburuak kritikatu du Espainiako Gobernuak eta haren presidente Jose Luis Rodriguez Zapaterok «ez, ez eta berriro ez» esan diotela Gernikako Estatutua betetzeari, eta eskualdatzeko dauden transferentziak Eusko Jaurlaritzaren esku uzteari. Lehendakariordearen ustez, Zapateroren legealdia «hutsaren hurrengoa» izan da EAEko autogobernuaren arloan. (Berria.info)

… eta hori dela eta …

El PNV apoyará los Presupuestos Generales del Estado de 2008 (Deia)

Zapatuan etxean bazkaltzen badut saiatzen naiz Sautrela ikusten. Hasier Etxeberriak gidatzen duen programa gustuko dut, landutako gaiak, estiloa, ematen dion lasaitasuna, eta, nola ez, elkarrizketak eta elkarrizketatuak. Literatura programa ederra, benetan. Gaurkoan Katixa Agirre idazle gasteiztarrarekin izan du solasaldia. Gustatu zait, konplexurik gabeko elkarrizketa izan da, bere asken liburuaz aritu da, “Sua Falta zaigu”izenburua duena, baita blogari moduan izandako esperientziaz, edo idazle eta irakurle moduan dituen erreferentziaz.

Aipatu dut blogaria dela, honen berri Patxiren E-lkarrizketetan izan nuen eta jarraitzaile bilakatu naiz harrez geroztik. G&A (Gauez eta Azpireriaz) du izena idazten duen bloga eta gomendatzen dizuet bueltatxo bat ematea eta artikulu batean edo bestean gelditu, presarik gabe.

“Sua falta zaigu” astelehean erosiko dut.

(Irudia, azala, bere blogetik hartu dut)

Hilaren 18an da data ofiziala, beta batzuk aspaldidanik kalean egon arren.

Windows pikutara bota nahi baduzu eta GNU/Linux potente, modernoa, instalatzeko eta konfiguratzeko ezin errazagoa bilatzen ari bazara, hona hemen zure aukera.

Hemendik jaitsi dezakezu azken beta (ez du arazorik ematen, frogatu lasai).

Ezaugarri guztiak webgune ofizialean irakur ditzakezu (inglesez).

Ez da lehenengo aldia Euskal Herrian alderdi politiko baten buruzagitza atxilotzen dela, Garzon berak egin zuen orain del 10 urte. Ostegunekoa beste urrats bat, tamalez, errepresio norabide berdinean besterik ez da: jende asko eta asko ordezkatzen duen alderdi baten zuzendaritza taldea atxilotu, gauez, kriston indarra erabiliz, abokatuek zer leporatzen zaien jakin gabe, … Harrituta gaude Myanmarren horrelakoak ikusten ditugunean, hangoa diktadura militarra da, Espainakoa “Estado de Derecho”.

Askok, agian, ezkerzaleak eta abertzaleak ez zaretelako zuekin ez doala kontua pentsa zenezaketen. Nik beti ditut gogoan Martin Niemoeller-en hitzak:

Cuando los nazis vinieron a buscar a los comunistas, guardé silencio, porque yo no era comunista,

Cuando encarcelaron a los socialdemócratas, guardé silencio, porque yo no era socialdemócrata,

Cuando vinieron a buscar a los sindicalistas, no protesté, porque yo no era sindicalista,

Cuando vinieron a buscar a los judíos, no protesté, porque yo no era judío,

Cuando vinieron a buscarme, no había nadie más que pudiera protestar.