Azalpenik behar ez duena.
Autorea: Premine :-: Asteartea, 2007ko Uztailaren 31an, ordu honetan: 7:01 pm
Idatzi iruzkina
Atala: Borrokak
- Gehitu artikuloa:
- Del.icio.us-en ::
- Zabaldun -
Dell, Toshiba, … eta orain Acer ere ubuntuzale.
Autorea: Premine :-: Asteartea, 2007ko Uztailaren 31an, ordu honetan: 11:37 am
Mugimenduak ematen ari dira egunotan GNU/Linux-en alde. Vistaren porrota (espero zena baina askoz gutxiago saldu da, arazoak hainbat aplikazioekin, hardware industriak egindako kritika gogorrak, enpresatan ez instalatzeko eginiko gomedioak, etab) beste bideak irekitzen ari da sistema eragile libreentzat (Ubuntuk darama aurrea). Aipagarriena Acer-rekoa da, hasi baitira Ubuntu aurrez instalatuta duten portatilak saltzen Singaporen, eta dirudienez, hasiera besterik ez da….
Idatzi iruzkina
Atala: GNU/Linux
- Gehitu artikuloa:
- Del.icio.us-en ::
- Zabaldun -
Gasteizko Gaztetxea: 19 urte eta aurrera
Autorea: Premine :-: Igandea, 2007ko Uztailaren 29an, ordu honetan: 8:21 am
Eta 10 minutuko bideoa prestatu dute, iragana, gaur egun eta datorrena uztartzen…
[youtube]http://www.youtube.com/watch?v=xzEvohPSuPw[/youtube]
Idatzi iruzkina
- Gehitu artikuloa:
- Del.icio.us-en ::
- Zabaldun -
Web 2.0 delakoa hobeto ulertzeko (… edo gehiago nahasteko)
Autorea: Premine :-: Ostirala, 2007ko Uztailaren 27an, ordu honetan: 7:34 pm
Ahh, web 2.0, mundu digitala ulertzeko (eta erabiltzeko esango nuke nik) era berriena aspaldidanik dago geure artean. Funtsezko bilakatzen ari dira bloga, wikia, mashup, api etab bezalako kontzeptuak eta hauen atzean dagoena. Egia da askotan alde teknologikora soilik murgiltzen garela eta gizarte kolaborazio, komunikazioa, internet eta teknologia berriak ulertzeko era berritu honi garrantzi gutxiago ematen diogula. Nire kasuan nahiko lagungarria izan zitzaidan We Media testua irakurtzea (UEUko ikastaro batean Patxi Gaztelumendik konpartitutako materiala izan zen, eta, askotan esaten den moduan, ikuspegia aldatu egin zitzaidan … zeharo). Testuan kazetaritza partehartzailetik abiatuta teknologia berriek, eta blogek bereziki, izan dezaketen eragina aztertzen zuen eta, argitaratu zenetik 4 urte pasatu direnean, guztiz baliogarria da.
Aurten Orange fundaziotik beste argitalpen elektroniko bat kaleratu dute gai honen inguruan: Web 2.0 e-liburua. Autoreak Antonio Fumero eta Genís Roca dira (Microsiervos eta infonomiako kideak). Liburuak bere argiak eta itzalak ditu, agian nabarmena, nire ustez, aukeratutako web 2.0 zerbitzu batzuen inguruan. Baina nahiko testu gomendagarria da. Honekin batera poster-mapa ikusgarria argitaratu da eta benetan, pena merezi du eskolak emateko momentuan, edo web 2.0 honen nondik norakoa ulertzeko (eta azaltzeko), ondoan izateko, ahalik eta handien!.
Gaur beste mapa osatuago bat topatu dut, O’reilly Radar-ek Subway Stations of the Internet bezala izendatu duena eta benetan ikusgarria baino ikusgarriagoa da, zalantzarik gabe. Tokioko Metroko mapa oinarri bezala hartuta, web 2.0 zerbitzuak biltzen dira gaika edo, hobeto esanda, estazioka, eta interneteko Joeren Mapa (Trends Map) deitu dute. Ez da erreza irakurtzeko (txikian behingoz), inprimatuko dut formatu handitan nabardura guztiak kontutan ahal izateko…
Portzierto, badaukat galderatxo bat zuentzako: web 2.0ren inguruan dauden CC edo kopyleft lizentziapeko testuen artean zein euskaratu zenukete?
Aipatutako testuak, mapak etab….
Nosotros, el medio pdf (gaztelaniaz)
Subway Stations of the internet pdf formatuan
Subway Stations of the internet 1600×1024 gif irudian
Webgunean beste formatu interesgarri batzuk dituzte, online mapa klikablea, besteak beste.
Aktualizazioa (igandea, Abuztuaren 5ean). Atzoko Gaur8ko paperezko edizioan Haritz Rodriguezek artikulo polita idatzi du posteo honetatik abiatuta. Gustatu zait, artikuloa eta baita gaur8n agertzeko sentzazioa…
Iruzkinak (2)
Atala: Web 2.0
- Gehitu artikuloa:
- Del.icio.us-en ::
- Zabaldun -
Hau bai astea!!!
Autorea: Premine :-: Ostirala, 2007ko Uztailaren 13an, ordu honetan: 6:34 pm
Baneraman denbora bat idatzi gabe, badakizue, betiko aitzakiak: lana, eguraldia, etab. Kontua da uztailean lan piloa daukadala baina nekea izan da aste honetako protagonista. Maila guztietan.
Hasteko guztiok ordaintzen dugun EITBko gai nagusia: Athleticeko hauteskundeak. Hau bai pasada! Berdin zuen zer hedabide hartu, zer katea aukeratu, … kandidato bati kriston esparrua, inkestak, emaitzak, boto tendentziak sortzeko kanpaina aparta, hauteskunduak-emaitzak-eta-balorazioak, bla bla. Agian zuetariko norbait minduta senti daiteke (emm, bizkaitarra izanda, koadrilan ez banaute erabateko boikota egiten…) baina potrotaraino nago, hau al da herria egitea? zer nolako herria?. Ez al daukagu beste keska eta behar? Ogia eta zirkoa zioten erromatar buruzagiek. Futbola bai baina euribor ikusita, ogi edo talo gutxi.
Rolling Stones: segurazki EHan egindako kontzerturako 5 edo 6 euro gastatu dute publizitatean, EITBk hartu baitu bere gain, guztion diruarekin - nola ez. Teleberrietan, kotileo kutreko programetan (”Pásalo” daukat gogoan, baina seguru beste baten bat egongo dela, ezagutzen ez dudana) gai nagusia bilakatu da azken asteotan.
Badakizue zenbat kobratu duten agure hauek? Entzun duzue muntaketa lanetan 2 langile hil direla? Eta kontzertu pribatuak ematen dituztela Deutsche Bank bezalako “erakunde rockzale”entzako? Gainera ez ditut inoiz gustukoak izan. Bitartean euskal rockak ez du ia esparrurik EITBn. Kaka.
Bukatzeko bi kontu benetan positiboak. Euskal Herria 2.0 ekimenetik web 2.0 tailerrak jartzen ari dira abian. Araban uztailaren 21ean izango da, Saregunen. Aukera polita, benetan, baina datorren astean luze eta zabal komentatuko dizkizuet nondik norakoak.
Gaur Patxirekin bazkaldu dut Gasteizen, eta benetan, gozada izan da. Lagun piloa amankomunean, teknologiaren ikuspegi nahiko hurbilak, eta kezka eta zalantza antzekoak. Primeran pasatu dut, lagun!
Iruzkinak (1)
Atala: Bizkaie, Borrokak, Gasteiz
- Gehitu artikuloa:
- Del.icio.us-en ::
- Zabaldun -
