Silicon Lautada: Bizkaitar baten abenturak Agurainen

Bideoa: Sustrai sendoak, Aguraingo herriko tabernaren 30. urteurrena ospatuz

Aurten Aguraingo Herriko Tabernaren 30. urteurrena ospatzen da, ekitaldiz beterikoa eta ekimen ezberdinez osotuta. Haien artean abestia eta bideoa daukagu, bertan musikari ezberdinek parte hartu dute (Evaristo-Gatillazo, Iñaki-Betagarri eta Jhony-Kaotiko, besteak beste) eta irudi ikusgarriekin batera oso emaitza polita lortu dute. Pena merezi du ikustea.

Alderik txarrenak, nola ez, Espainatik datorkigu, Herrikoen aurkako epaiketa masiboan, Aguraingoa ere ixteko arriskuan geratu baita.

Info+: Sagarmin Elkartea

by

Erlazionatutako artikuloak:

Lehen 90 .eus domeinuak eskuragai, baina garestiak izango dira.

Martxan jarri da .eus domeinuak eskuratzeko prozesua eta bi fasetan egongo da banatuta. Lehendabizikoa, orain hasten dena, 90 .eus domeinuak eskuratzekoa izango da:

.EUS Domeinu-izen Aitzindarien Programak .eus domeinuaren erabileran lehenen artean egoteko aukera eskaintzen du, .eus domeinuaren benetako abiarazte-aldia baino hilabete batzuk lehenago .eus domeinu-izen bat eskuratuz. Modu horretan, webgunearen eduki, produktu edota zerbitzuak Euskara eta Euskal Kulturaren Komunitatera bideratzen aitzindari bilaka zaitezke.

300€ tik 5.000€ra izango dira salneurriak, web gune pertsonala edo enpresa/hedabidea baldin bazara. Erdian beste aukera ezberdinak daude. Hurrengo pdf-tan dituzue baldintzak, salneurriak eta datak: Proposamenetarako deialdia eta Faseak eta egutegiak.

Bigarren fasea igandean hasiko da, publiko osoari begira, eta momentu honetatik aurrera gure .eus domeinua eskuratzeko aukera izango dugu.

Info guztia: www.domeinuak.eus

by

Erlazionatutako artikuloak:

.eus domeinuak martxan: lehendabizikoa amaraunean dago ikusgai

.eus domeinuak martxan jartzeko bideak lehen urrats sendoak eman ditu. Atzodanik www.domeinuak.eus web gunea martxan dago eta bertan apirilaren 26rako berri gehiago iragartzen dizkigute. Zenbait domeinu erregistradore aurre-erreserbak onartzen dituzte urte hasieratik.

by

Erlazionatutako artikuloak:

Lanbide: 16.000 lagun “desagerturik” DBEn

Hau da Argilan-etik jaso dugun salaketa:

LANBIDE, LEGEAK SISTEMATIKOKI BETETZEN EZ DUEN ADMINISTRAZIO BAKARRA

Lanbide-Euskal Enplegu Zerbitzuak administrazio-prozeduraren Legeak ezartzen duen hainbat alderdi sistematikoki ez du betetzen, milaka pertsona Diru-sarrerak Bermatzeko Errentaren estaldurarik gabe utziz.

2014ko martxoaren 12a, Bilbon

2011ko abenduan Eusko Jaurlaritzak Diru-sarrerak Bermatzeko Errenta eta Etxebizitzarako Prestazio Osagarriaren eskumena bere gain hartu zuenetik, administrazio publikoak herritarron oinarrizko eskubideak urratzea beste ondoriorik ez dakarren zirku goibelaren aurrean gaude.

Lanbidek, Diru-sarrerak Bermatzeko Errentaren kudeaketan, ez du errespetatzen ezta prozedura administratiboa oinarrizkoena ere, herritarrok Administrazioaren zigorrak jaso baino lehen informazioa jaso eta defendatzeko eskubidea, kasu.

Besteen artean, oraingo honetan Argilanek salatu nahi dituen administrazio-araudi ez-betetze sistematikoak hauek dira::

  • 2013. urtean zehar Lanbide-Euskal Enplegu Zerbitzuetan 15.000 pertsona inguru (3.000 baino gehiago 2014ko bi hilabeteotan) “desagertu” ziren, eta hoiei jakinarazpenak helarazteko Euskal Herriko Agintaritzaren Aldizkaria masiboki erabili egin dute. Berez, kasu gehienetan Lanbide ez da saiatu jakinarazpenak gutun ziurtatuaz bidaltzen, eta hori egin ordez zuzenean EHAA erabili izan du; edota gutunak helbide zaharretara bidali dira, duela bi urte baino gehiago INDRA multinazionalak burutu zuen Foru Aldundien eta Lanbideren datu-baseen arteko migrazioa/fusio kaskarraren ondorio zuzena, duplizitateak (pertsona berberak bi aldiz agertzea, bakoitzean datu/helbide ezberdinak dituela), akatsak eta datuen ezabaketak sortu zituena, Lanbidek berak bere garaian —eta tazituki gaur egun ere— laguntza teknikoa behar duela onartzen duela.
  •  Lanbidek, asmo-aitortze eta aldaketa formal baten haratago, oraindik ere “lehenik  prestazioa eten eta gero, akaso, zioak eman” politika mantentzen du. Eta herritarrek zio horiek hartu beharko lituzken gutunak jasotzen dituztenean, “prestazioaren erabilpen okerra” edo “betebeharra baten ez betetzea” bezalako esamolde generikoak baino ez dute topatzen, balizko erabilpen oker horiek noiz, zer, nork, nola… gertatu direnaren inolako aipamenik egin gabe, eta horrenbestez erabateko babesgabetasuna (benetazko alegazio eraginkorrak aurkezteko ezintasuna) sortuz.
  •  Horrela, herritarrak publikoki kriminalizatzen dituzte, gutxieneko diru-sarrerak ez izateagatik. Eta Lanbidek beraien bizitzak zorrotz eta osorik ikustatzen ditu, administrazioak epaiketa moralak ezarriz eta gutxieneko diru-sarrerak ez izate hutsagatik autonomia eta borondaterik gabeko umeak bailiran.

Argilan-ek, Bazterketaren aurkako ESKren plataformak, gogor salatzen ditu gertaera hauek, eta dei egiten dio Eusko Jaurlaritzari ahalik eta azkarren herritarren eskubideak bermatu ditzan.

Murrizketa gehiagorik ez!, pertsonen aldeko ekonomia aldarrikatzen dugu. Oinarrizko Errenta unibertsala, banakoa eta baldintzarik gabekoa ORAIN.

Info+: www.argilan-esk.org

by

Erlazionatutako artikuloak:

  • Ez dago erlazionatutako artikulorik

Urtarrilaren 30 eta 31an: Txindurri Irratiaren aurkezpena Agurain eta Araian

Lautadan badago Irratia martxan jartzeko proiektua (eta errealitatea). Ekimenaren berri emateko urtailaren 30rean eta 31n izango dira Agurainen eta Araian 3 aurkezpen, ordu ezberdinetan. Aguraingoak ilaren 30rean izango dira, goiz eta arratsaldez Harresi Aretoan, 11:45etan eta 20:00etan. Hurrengo egunean, ilaren 31an, Araian izango da Andra Mari zineman. 3rotan egitura antzekoa izango da, Txindurri Irratiaren aurkezpena, Hala Bedi Irratiak, 30 urteurrena dela eta, ateratako musika CD eta liburu-DVDaren (Kolpez kolpe, 30 urte) aurkezpena eta dokumentalaren proiekzioa.

Webgunea prestatzen ari gara eta hurrengo egunotan martxan egongo da helbide honetan: www.txindurriirratia.net

by

Erlazionatutako artikuloak:

Crowdfunding: Diagonal Periódico

diagonal_sos

Bai, badakit egun hauetan, Gabonak direla eta, ekimen eta proiektu ezberdinak agertzen direla dirua edo laguntza eske. Ezagutzen ez baduzue, Diagonal da estatu mailan gaztelaniaz egiten den prentsarik alternatiboena. Urte askotako proiektua izan da, borrokak azalarazi dituela (gehienek ezkutatzen zituztenean), ustelkeriak eta errepresioa salatzen eta pentsaera kritikoak zabaltzen. Orain proiektua berrantolatu nahi dute, egokitu, zabaldu, jende gehiagorengana heldu ahal izateko. Lan aparta egin dute eta orain, bakoitzak ahal duen neurrian, gure laguntza eta parte-hartzea behar dute. Crowdfunding kanpaina jarri dute martxan Goteon eta bide onetik doa, lehen partea ia lortuta, baina ezin erlaxatu,  asko dagoelako oraindik egiteko.

by

Erlazionatutako artikuloak: