Zeozer saldu nahi baduzu, argi eta garbi saltzailerik onena bilatu behar duzu. Gizonezkoi zuzendutako produktua saldu nahi baduzu Megan Fox izan daiteke saltzailerik “onena” momentu honetan. Gero Android erabiltzen duen Motorola etxeko telefono mugikor honen ezaugarriak bigarren mailako kontuak dira … ala ez?

LosDelGas Oreretako taldeak “Facebook”-ez trufa egiten duen bideoklip umoretsua egin dute: “Feisbuk”, eta Unax Ugalde aktore gasteiztarra eta Despistaos taldeko Daniren laguntza izan dute. Pena merezi du ska-jarto estilo gustatzen ba zaizu…

Baneraman denbora hosting berri baten bila, aurreko hosting-a Livingdot.com garestia baitzen. Asko bilatu ostean Greengeeks.com topatu dut, hosting berdea, erabailtzen duten energia guztia eolikoa da. Ez dakit noraino izango den egia (zigiluak eta ziurtagiriak dituzte jarrita baina tira…) baina gustatzen zait pentsatzea urrats txikiak ere ematen ditudala gure kutsaduraren eragina gutxitzeko.

Prezioa ez da garestia (6,95$ hilean, 2 urteko aukera erosten baduzu eta 7,95$ urte batekoa), GNU/Linux,  Cpanel, Fantastico software instaladorea, transferentzia mugarik ez, tamaina mugarik ez, posta-e kontu mugarik ez, CGI, Ruby (RoR), Perl, PHP, MySQL eta domeinu mugarik ez (momentuz 3 domeinu ditut ostaturik); ezaugarri guztiak hemen ikus ditzakezu.

Webgunea: www.greengeeks.com

Soziolinguistika Klusterrak antolatuta, otsailaren 26an, ostirala, gauzatuko da Donostiako Miramon Zientziaren Kutxagunean (Miramon Teknologia Parkean).

Jardunaldia hausnarketa teorikoan eta maila aplikatuan euskalgintzan ari direnei zuzentzen zaie, hau da, ikerlarien, unibertsitateko irakasleen, eta ikastetxeetan, lan munduan eta administrazioan euskararen normalkuntzan ari direnen topagune izatea du helburu. Horretarako, hitzaldi eta tailerrak burutuko ziren, eskura dauden datuak partekatuz, horien inguruan hausnartu eta eztabaidatzeko.

• Zergatik hitz egiten dute gazte horiek euskaraz? Eta beste horiek gaztelaniaz? Ez al dute gogorik? Ba al dakite?
• Plangintzetan aldaketak eragin nahi ditugunean, ba al dakigu non jarri gure ahaleginak? Ezagutza-mailako aurrerapenek, zein kasutan dakartzate erabilera-mailako aldaketak?
• Zerk bereizten ditu Nafarroako, Iparraldeko eta Gipuzkoa, Bizkaia eta Arabako hizkuntza-jarrerak?

Informazio guztia, prezioak, izena emateko formularioa etab. Soziolinguistika Klusterrak duen web gunean daukazu.

Zabaldu.com-en ikusita.

Otsailaren 4an egin zuten aurkezpen publikoa, eta ezaugarriak oso interesgarriak dira:

• Kordobako Unibertsitate ikerlari talde batek garatuta
• GNU/Linux Debian-en oinarritutako sistema eragilea (SIeSTA, je je, oso andaluziarra)
• Domotikarako prestatuta
• Andaluziako Osasun zerbitzuekin konektatzeko eta datu batzuk bidaltzeko prestatuta (telemedikuntza)
• 300-400€ salgai egongo da maiatzaren aldean
• Jaen-en ekoiztuko da (pentsatzen dut ekoiztu baino, montatuko dutela)

Ikusgarria benetan infografiaz jositako bideo hau. Etorkizuna horrelakoa izango da?

Nesploran ikusita.

Betiko moduan, edukinak www.humorenlared.com web gunean topa ditzakezu. Poztekoa da poliki-poliki eduki batzuk euskaraz jartzen ari direla. Aurrera!!!

Posta elektronikoan jasota, eta, bide batez, pozgarria den berria….

Milaka lagunek egin dute bat gaur arratsaldean Hendaia eta Irun artean Abiadura Handiko Trenaren (AHT) aurka egin den manifestazioarekin. Antolatzaileek nabarmendu dutenez, Euskal Herriak horrelako azpiegiturarik ez duela nahi erakutsi du. 15.000 lagun inguru bildu dira.
“AHTrik ez! Proiektu txikitzaileak gelditu” lelopean, ordu erdiko atzerapenarekin abiatu da Hendaiako tren geltokitik Abiadura Handiko Trenaren (AHT) aurkako manifestazioa.

Gizarte alor desberdinetako milaka lagun bildu dira eta Hendaiara sartzeko bideak blokeatu egin dira, jende uholdea tarteko. Martxa 16.30ean abiatu da eta 17.20ean geltokian oraindik jendea zegoen ateratzeko zain. Burua Irungo Iparralde Etorbidean zegoela abiatu dira azken manifestariak geltokitik, Kazeta.infok dioenez. Antolatzaileen arabera, 15.000 pertsona bildu dira, eta Polizia frantsesaren arabera 13.000.

70 traktore inguru joan dira martxaren buruan, ibilgailuen gainean AHTren aurkako leloak zituztela. Bengalekin ireki diete bidea elkarte antolatzaileetako kideek, eta banan banan zeharkatu dute Santiago zubia, mobilizazioarekin bate egiteko zain zeudenen txalo artean. Manifestazioan parte hartuz abiadura handiko trenak ekarriko duen lurren galera salatu nahi dute laborariek. Senpere, Sara, Ahetze eta Azkainetik joan dira, besteak beste.

Traktoreen ondoren antolatzaileak ziren, pankarta nagusiarekin, eta haien ondotik alkate eta hautetsiak, Euskal Herrikoak nahiz abiadura handiko trenak kaltetuko dituen beste toki batzuetakoak (Landak, Biarno, Gironda…), “AHT: Euskal Herrian trenbide berriari ez” goiburua zuen pankartarekin.

Haien atzetik, berriz, milaka eta milaka herritar, banderola eta pankarta ugarirekin, kolore eta hizkuntza guztietakoak, denak AHTren aurkako leloekin. Eta festa kutsua ere izan du mobilizazioak. Azkainekoek beren danborrada eraman dute, eta AHT Gelditu! Elkarlanekoek parodia bat egin dute.

Santiago zubia zeharkatu eta Irunerako bidea hartu du martxak. Han Kolon ibilbidean, martxaren joana eta etorria gurutzatu dira.

Ekitaldia trenbidearen ondoan

Irungo erdigunea utzi eta atzera Bidasoarantz jo du berriz. Santiagoko zubi zaharrean, egungo trenbidearen ondoan, egin da ekitaldi nagusia. Mixel Hiriart Biriatuko auzapezak eta Lapurdiko Herri Elkargoko presidenteak; Alain Iriart HIriburuko alkate eta Kontseilari Nagusiak; Onintza Oleaga Atxondoko alkateordeak; Asturiasko AHTren aurkako Kontseiluko ordezkari batek, Denise Cassou Girondako LEA elkarteko ordezkariak; AHT Gelditu! Elkarlaneko bi ordezkarik eta Cadeko eledun Victor Pachonek hartu dute hitza.

Nabarmendu dutenez, gaurko manifestazioak izan duen erantzunak erakutsi du Euskal Herriak ez duela AHT bezalako azpiegiturarik.

Agintari eta RFFko buruengandik AHTren aurkako mugimenduak jasaten duen kriminalizazioa salatu dute, eta Aramaioko alkatearen auzipetzea jarri dute adibidetzat. Oztopoak oztopo, borrokan jarraituko dutela esan dute. “Euskal Herritik AHT ez da pasako”, adierazi dute.

Ekitaldiari festak hartu dio lekukoa. Mak eta Angelines-en musikak Lyonetik heldutako kantariekin eginen du bat eta bertsolariek ere, errimak ahantzi gabe, AHTaren kontrako mezuak zabalduko dituzte.

http://www.ahtgelditu.org/

Je, je, orokorroan eta zaletuekin eta sistema eragile ezberdinekin izandako esperientzia kontutan hartuta, bat nator…