Gaur egun historikoa izango delakoan gaude asko eta asko. Gure presoen eskubideak aldarrikatzera aterako gara gaur Bilbo eta milaka izango gara Bizkaiko hiriburua elkartasunaz bustiko ditugunak.

Kolosalaizangoda.info web gunean zure atxikimendua emateko aukera izango duzu (ez baduzu jada egin!). Eta manifestuan zehazten duenez, Bilbon egongo gara honako helburuekin:

1- Euskal presoak Euskal Herrira ekartzea
2- Espainiar estatuan ezartzen den 197/06 doktrina bertan behera uztea, eta zigorra bete duten presoak askatzea. Finean, bizi osorako espetxe zigorrarekin amaitzea.
3- Frantziar estatuan ezartzen den bizi osorako zigorra bertan behera uztea, baldintzapeko askatasunei bide emanez.
4- Zigorraren 3/4ak bete dituzten presoen kaleratzea.
5- Gaixotasun larriak dituzten presoak askatzea, eta bestelako gaixotasunak dituzten presoen zaintza egokirako beharrezko neurriak hartzea. Finean presoen osasunerako eskubidea bermatzea da eskatzen duguna.
6- Ireki den aro berrian gatazkaren soluzio bidean modu positiboan eragiteko frantziar eta espainiar estatuek darabilten espetxe politika konponbide gakoetan ezartzea.

Twitter-ren ere jarraitu dezakezu: #kolosalaizangoda eta baita Facebook-en ere: https://www.facebook.com/events/204131436336564/

Erlazionatutako artikuloak:

• Gaur, denok Bilbora
• Gaur, Bilbon, denok Euskaldunon Egunkariarekin.
• Hitzaldia Bilbon: Energi ereduaren eraginak
• Ibilgailuetan Abiadura Handiagatik jarritako salaketa isunaren inguruko informazioa
• Bideoa: Transgenikoen aurkako manifestazioa Madrilen, apirilaren 17an

Arrosa Sarea duela ia hamar urte sortu zen. Euskal Herriko hainbat irrati txikiren arteko elkarlana, edo gaur egun hainbeste entzuten dugun auzolana, oinarri hartuta, sarea eraiki zen, eta 2002ko maiatzetik gaur artekoak lanean eman ditugu. Sarearen funtzio nagusia euskarazko irratsaioak elkartrukatzea izan da, orain artean. Hori dela medio, Donibane Garazin ekoitzitako musika irratsaio batek entzuleak ditu Iruñeko kaleetan, edo hasi berritan dabilen irrati batek programazio duin askoa egin dezake Gasteizen edo Urretxun egindako saioak erabilita.

Bada zerbait. Hala ere, sareko kideok beroni etekin handiagoa atera ahal geniola pentsatu izan dugu beti. Elkarlanean beste hainbat gauza ere egin ahal genituelakoan geunden. Irrati txikiok, gehienok ez-profesionalak gainera, eguneroko lanean agertu zaizkigun beharrei erantzuteko tresna propioak sortu behar izan ditugu. Horretara datoz jardunaldi hauek, hain zuzen ere: tresna hauek elkartrukatzera, bakoitzaren ezagutza besteekin konpartitzera. Hamar tailerretan hamar gairen inguruan lanean arituko gara. Oinarrizkoenetik, teknikoenera. Beti ere, kontu praktikoak. Honekin, hasi berri diren, edo hastear dauden, herri- edo auzo-irratiei dei berezia egin nahi diegu jardunaldiotara etortzeko. Ateak zabalik daude interesa daukan edonorentzat.

Lanotan goiz partea emango dugu, bazkaldu eta arratsaldeko saioari ekiteko. Arratsaldean pare bat gairen inguruan solasean arituko gara nagusiki, berauek landu dituztenen esperientzietan oinarrituta. Batetik generoa eta komunikabideak gaia hartuko dugu hizpide, eta bestetik irratiak eta teknologia berriak. Eguna gerturatu ahala esango dizuegu zein esperientziaren inguruan ariko garen, eta nortzuk izango ditugun gonbidatu.

Jardunaldiei amaiera emateko, denon arteko eztabaida saiotxo bat egingo dugu, Word Cafe moduan, eta nola ez, Euskal Herrian ezin da bestela eta, Gauerako kontzertu pare bat ere antolatu dugu.

Hau guztia Bergarako Gaztetxean izango da otsailaren 25ean, larunbata, goizeko 10:00etan hasita.

Informazio gehiago nahi izatera idatzi arrosa.sarea@gmail.com helbidera edo deitu 656 748 025 telefonora (Jon)

Prentsaurrekoa jarraian entzun dezakezu:

Arrosa Irrati Sarea www.arrosasarea.org

2011ko Abenduaren 29an, Bergarako Gaztetxean

Erlazionatutako artikuloak:

• Ez dago erlazionatutako artikulorik

Ostegun honetan Bilboko Hikaateneoan hitzaldi interesgarri bat egongo da. Bizkai Benetan Maitek antolatzen du.

Hemen Araban kezka batzuk baditugu naturaren aurkako erasoak direla eta…:

Olaztin Portland-ek errausketa egiteko baimena lortu du Nafarroako Gobernutik, eta kezka sortu du lautadan eta sakanan.

Patxi Lopezek EEBB-etan iragarri du Arabako lautadan “topatu” duten gasa aterako dutela “fracking” bezala ezagutzen den sistema eta teknologia erasokorra eta kutsagarriaren bidez. Ekologistak Martxan eta Lurra honen aurka azaldu dira.

Erlazionatutako artikuloak:

• Sakana eta Arabako lautada arriskuan: Olaztiko Portland-en errausketa egin ahal izango dute
• Gaur denok Bilbora: Kolosala izango da
• Palestinari buruzko hitzaldia Agurainen
• Arabako Bertsolari Txapelketaren 3. Finalerdia Agurainen
• Baias, Arabako garagardoa

Oso bideo polita gogoratzeko Errekalde auzoari eta  Kukutza gaztetxearekin zer eta nortxuk egin duten:

Irailak 9 goizeko 5.30ak aldera polizia etorri zen Errekaldera, Kukutza III botatzeko bidea emango zuen desalojoari ekiteko prest. Hurbildu ziren auzokideen aurka bortizki jokatuz gomazko pilotak jaurtiz eta porrazoak emanez oldartu zitzaizkien. Espekulazioa eta botere pribatua kultura eta publikotasunaren gainetik jarri ziren.

http://vimeo.com/29523732

Erlazionatutako artikuloak:

• Kashbadeko Gasteizko Gaztetxeko kontzertua zuzenean
• Euskal politika ulertzeko ikastarotxoa. 1.go kapituloa: Koherentzia

Gaztelumendi-n ikusi dut bideoa eta piloa gustatu zait.

Erlazionatutako artikuloak:

• Berria.info: Epaileak ez du neurririk hartu Oihane Perea eta Josu Ormaetxearen aurka

Posta-e bidez jasota: Gaur asteazkena, hilaren 17a, arratsaldeko 19etan Palestinaren historia eta gaur egungo egoerari buruzko hitzaldi bat egongo da Aguraingo Herriko tabernan. Ali Mohammad Jadeh palestinarra etorriko da hitzaldia ematera eta oso interesgarria izango da.

Erlazionatutako artikuloak:

• Palestina “El 70″ Tabernan
• Hitzaldia Bilbon: Energi ereduaren eraginak
• Sakana eta Arabako lautada arriskuan: Olaztiko Portland-en errausketa egin ahal izango dute
• Jaialdi interkulturala Agurainen
• Arabako Bertsolari Txapelketaren 3. Finalerdia Agurainen